National
• 1 hour ago• Lim_Rothanaksambath
ស្ថានភាពជាក់ស្តែងនៃការខូតខាតនៅច្រកបឹងត្រកួន ខេត្តបន្ទាយមានជ័យ ត្រូវបានរាយការណ៍ជូនក្រុម AOT-KH យ៉ាងលម្អិត
ភ្នំពេញ, ថ្ងៃទី១៧ ខែកញ្ញា ឆ្នាំ២០២៦៖ កាលពីថ្ងៃទី១៦ ខែកញ្ញា ឆ្នាំ២០២៦ ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូន ឧត្តមសេនីយ៍ត្រី ANTERO S. NARCISE PN (M) អនុប្រធានអធិការកិច្ច នៃកងទ័ពសាធារណរដ្ឋហ្វីលីពីន និង ក្រុមអ្នកសង្កេតការណ៍អាស៊ានប្រចាំព្រះរាជាណាចក្រកម្ពុជា (AOT-KH) ចុះពិនិត្យស្ថានភាពជាក់ស្តែងនៅតាមបណ្តោយព្រំដែនកម្ពុជា-ថៃ ត្រង់តំបន់ច្រកបឹងត្រកួន ស្ថិតក្នុងឃុំគោករមៀត ស្រុកថ្មពួក ខេត្តបន្ទាយមានជ័យ។
ក្នុងឱកាសនោះ ឯកឧត្តម អ៊ុ រាត្រី អភិបាលខេត្តបន្ទាយមានជ័យ បានធ្វើបទបង្ហាញសង្ខេប និងរាយការណ៍ជូនប្រតិភូអំពីស្ថានភាពទូទៅនៅតាមព្រំដែន ដោយបានលើកឡើងពីសកម្មភាពរបស់យោធាថៃ ដែលបានដាក់ពង្រាយទូកុងតឺន័រ រាយបន្លាលួស ជីកប្រឡាយ ធ្វើលេណដ្ឋាន ព្រមទាំងការបំផ្លិចបំផ្លាញហេដ្ឋារចនាសម្ព័ន្ធ ផ្ទះសម្បែង និងទ្រព្យសម្បត្តិរបស់ប្រជាពលរដ្ឋ។ សកម្មភាពខុសច្បាប់ទាំងនេះ និងការកាន់កាប់ទឹកដីកម្ពុជាដោយខុសច្បាប់ បានបន្សល់ទុកនូវផលវិបាកធ្វើឱ្យប្រជាពលរដ្ឋស្លូតត្រង់កម្ពុជាជាច្រើនគ្រួសារ នៅតែមិនទាន់អាចវិលត្រឡប់ចូលលំនៅឋានរបស់ខ្លួនវិញបាន។
ការចុះមកពិនិត្យ និងផ្ទៀងផ្ទាត់ដោយផ្ទាល់នៅទីតាំងកើតហេតុដោយ ឧត្តមសេនីយ៍ត្រី ANTERO S. NARCISE PN (M) និងក្រុមអ្នកសង្កេតការណ៍អាស៊ាន បានគូសបញ្ជាក់យ៉ាងច្បាស់អំពី ភាពចាំបាច់ជាដាច់ខាតក្នុងការចាប់ផ្តើមកិច្ចការវាស់វែងខណ្ឌសីមា ដោយគណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ ឱ្យបានឆាប់បំផុត។ ចំណុចនេះគឺស្របតាមខ្លឹមសារដែលមានចែងក្នុងចំណុចទី៤ នៃសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ចុះថ្ងៃទី២៧ ខែធ្នូ ឆ្នាំ២០២៥ ដើម្បីធានាឱ្យប្រជាពលរដ្ឋស៊ីវិលស្លូតត្រង់កម្ពុជាអាចវិលត្រឡប់ទៅលំនៅឋានវិញដោយសុវត្ថិភាព មានកិត្តិយស និងគ្មានការរារាំង។
ទាក់ទងនឹងបញ្ហាព្រំដែននេះ អ្នកនាំពាក្យក្រសួងការពារជាតិកម្ពុជា បានអះអាងសារជាថ្មីថា កម្ពុជានៅតែប្រកាន់ជំហរយ៉ាងម៉ឺងម៉ាត់ក្នុងការការពារខ្សែព្រំដែនអន្តរជាតិកម្ពុជា-ថៃ ដែលបន្សល់ទុកដោយគណៈកម្មការព្រំដែនឥណ្ឌូចិន-សៀម ដោយប្រកាន់ខ្ជាប់នូវគោលការណ៍ច្បាប់អន្តរជាតិ រួមមាន៖ គោលការណ៍ខ្សែព្រំដែនមិនកែប្រែ (Uti Possidetis Juris), អនុសញ្ញា និងសន្ធិសញ្ញាបារាំង-សៀម ព្រមទាំងពិធីសារកំណត់ព្រំដែន, ផែនទី និងកំណត់ហេតុបោះបង្គោលព្រំដែនដែលជាលទ្ធផលនៃការងារខណ្ឌសីមារបស់គណៈកម្មការឥណ្ឌូចិន-សៀម, MOU ឆ្នាំ២០០០, TOR ឆ្នាំ២០០៣ និងកិច្ចព្រមព្រៀងពាក់ព័ន្ធដទៃទៀត ដើម្បីដោះស្រាយជម្លោះដោយសន្តិវិធី និងឆ្ពោះទៅរកសន្តិភាពយូរអង្វែង។
រាជរដ្ឋាភិបាល និងក្រសួងការពារជាតិកម្ពុជា ប្តេជ្ញាចិត្តយ៉ាងមុតមាំដោយសុចរិតក្នុងការគោរព និងអនុវត្តយ៉ាងពេញលេញបំផុតនូវ សេចក្តីប្រកាសរួមនៃកិច្ចប្រជុំពិសេសលើកទី៣ នៃ GBC (ថ្ងៃទី២៧ ខែធ្នូ ឆ្នាំ២០២៥) និង សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ (ថ្ងៃទី២៦ ខែតុលា ឆ្នាំ២០២៥) ព្រមទាំងកិច្ចព្រមព្រៀងពាក់ព័ន្ធផ្សេងទៀត សំដៅស្តារស្ថានភាពឱ្យប្រែប្រួលល្អប្រសើរឡើងវិញ និងទាញយកប្រក្រតីភាពជូនប្រជាពលរដ្ឋ៕
រាយការណ៍ដោយ សារព័ត៌មាន The Khmer Daily Network
ក្នុងឱកាសនោះ ឯកឧត្តម អ៊ុ រាត្រី អភិបាលខេត្តបន្ទាយមានជ័យ បានធ្វើបទបង្ហាញសង្ខេប និងរាយការណ៍ជូនប្រតិភូអំពីស្ថានភាពទូទៅនៅតាមព្រំដែន ដោយបានលើកឡើងពីសកម្មភាពរបស់យោធាថៃ ដែលបានដាក់ពង្រាយទូកុងតឺន័រ រាយបន្លាលួស ជីកប្រឡាយ ធ្វើលេណដ្ឋាន ព្រមទាំងការបំផ្លិចបំផ្លាញហេដ្ឋារចនាសម្ព័ន្ធ ផ្ទះសម្បែង និងទ្រព្យសម្បត្តិរបស់ប្រជាពលរដ្ឋ។ សកម្មភាពខុសច្បាប់ទាំងនេះ និងការកាន់កាប់ទឹកដីកម្ពុជាដោយខុសច្បាប់ បានបន្សល់ទុកនូវផលវិបាកធ្វើឱ្យប្រជាពលរដ្ឋស្លូតត្រង់កម្ពុជាជាច្រើនគ្រួសារ នៅតែមិនទាន់អាចវិលត្រឡប់ចូលលំនៅឋានរបស់ខ្លួនវិញបាន។
ការចុះមកពិនិត្យ និងផ្ទៀងផ្ទាត់ដោយផ្ទាល់នៅទីតាំងកើតហេតុដោយ ឧត្តមសេនីយ៍ត្រី ANTERO S. NARCISE PN (M) និងក្រុមអ្នកសង្កេតការណ៍អាស៊ាន បានគូសបញ្ជាក់យ៉ាងច្បាស់អំពី ភាពចាំបាច់ជាដាច់ខាតក្នុងការចាប់ផ្តើមកិច្ចការវាស់វែងខណ្ឌសីមា ដោយគណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ ឱ្យបានឆាប់បំផុត។ ចំណុចនេះគឺស្របតាមខ្លឹមសារដែលមានចែងក្នុងចំណុចទី៤ នៃសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ចុះថ្ងៃទី២៧ ខែធ្នូ ឆ្នាំ២០២៥ ដើម្បីធានាឱ្យប្រជាពលរដ្ឋស៊ីវិលស្លូតត្រង់កម្ពុជាអាចវិលត្រឡប់ទៅលំនៅឋានវិញដោយសុវត្ថិភាព មានកិត្តិយស និងគ្មានការរារាំង។
ទាក់ទងនឹងបញ្ហាព្រំដែននេះ អ្នកនាំពាក្យក្រសួងការពារជាតិកម្ពុជា បានអះអាងសារជាថ្មីថា កម្ពុជានៅតែប្រកាន់ជំហរយ៉ាងម៉ឺងម៉ាត់ក្នុងការការពារខ្សែព្រំដែនអន្តរជាតិកម្ពុជា-ថៃ ដែលបន្សល់ទុកដោយគណៈកម្មការព្រំដែនឥណ្ឌូចិន-សៀម ដោយប្រកាន់ខ្ជាប់នូវគោលការណ៍ច្បាប់អន្តរជាតិ រួមមាន៖ គោលការណ៍ខ្សែព្រំដែនមិនកែប្រែ (Uti Possidetis Juris), អនុសញ្ញា និងសន្ធិសញ្ញាបារាំង-សៀម ព្រមទាំងពិធីសារកំណត់ព្រំដែន, ផែនទី និងកំណត់ហេតុបោះបង្គោលព្រំដែនដែលជាលទ្ធផលនៃការងារខណ្ឌសីមារបស់គណៈកម្មការឥណ្ឌូចិន-សៀម, MOU ឆ្នាំ២០០០, TOR ឆ្នាំ២០០៣ និងកិច្ចព្រមព្រៀងពាក់ព័ន្ធដទៃទៀត ដើម្បីដោះស្រាយជម្លោះដោយសន្តិវិធី និងឆ្ពោះទៅរកសន្តិភាពយូរអង្វែង។
រាជរដ្ឋាភិបាល និងក្រសួងការពារជាតិកម្ពុជា ប្តេជ្ញាចិត្តយ៉ាងមុតមាំដោយសុចរិតក្នុងការគោរព និងអនុវត្តយ៉ាងពេញលេញបំផុតនូវ សេចក្តីប្រកាសរួមនៃកិច្ចប្រជុំពិសេសលើកទី៣ នៃ GBC (ថ្ងៃទី២៧ ខែធ្នូ ឆ្នាំ២០២៥) និង សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ (ថ្ងៃទី២៦ ខែតុលា ឆ្នាំ២០២៥) ព្រមទាំងកិច្ចព្រមព្រៀងពាក់ព័ន្ធផ្សេងទៀត សំដៅស្តារស្ថានភាពឱ្យប្រែប្រួលល្អប្រសើរឡើងវិញ និងទាញយកប្រក្រតីភាពជូនប្រជាពលរដ្ឋ៕
រាយការណ៍ដោយ សារព័ត៌មាន The Khmer Daily Network
