Border Conflict
• 2 hours ago• Lim_Rothanaksambath
ប្រជាជនកម្ពុជាចងចាំគ្មានថ្ងៃបំភ្លេច! ១ឆ្នាំ នៃការចាប់ផ្តើមសកម្មភាពប្រដាប់អាវុធរបស់យោធាថៃមកលើកម្ពុជា
ភ្នំពេញ, ថ្ងៃទី២៤ ខែកក្កដា ឆ្នាំ២០២៦៖ ២៤ ខែកក្កដា ឆ្នាំ២០២៥ - ២៤ ខែកក្កដា ឆ្នាំ២០២៦ គឺជាខួប ១ឆ្នាំ នៃការចាប់ផ្តើមសកម្មភាពប្រដាប់អាវុធរបស់យោធាថៃមកលើកម្ពុជា។
បើយើងរំលឹកថយក្រោយទៅថ្ងៃទី២៤ ខែកក្កដា ឆ្នាំ២០២៥ យើងចងចាំមិនភ្លេចនូវសកម្មភាពដែលយោធាថៃ បានចាប់ផ្តើមសកម្មភាពប្រដាប់អាវុធមកលើកងកម្លាំងកម្ពុជាដែលកំពុងបំពេញភារកិច្ចការពារព្រំដែនស្របច្បាប់របស់កម្ពុជា ដោយចាប់ផ្តើមពីតំបន់ប្រាសាទតាមាន់ធំ មុននឹងរាលដាលទៅកាន់តំបន់មួយចំនួនតាមបណ្តោយព្រំដែនកម្ពុជា-ថៃ។ ហេតុការណ៍នេះ បានបន្សល់ទុកនូវការបាត់បង់ជីវិត ការរងរបួស ការបែកបាក់គ្រួសារ និងផលប៉ះពាល់យ៉ាងធ្ងន់ធ្ងរដល់ប្រជាពលរដ្ឋស្លូតត្រង់ ព្រមទាំងបានឆ្លាក់ជាការចងចាំដ៏ឈឺចាប់មួយនៅក្នុងប្រវត្តិសាស្ត្រសហសម័យរបស់កម្ពុជា។
រយៈពេល ១ឆ្នាំបានកន្លងផុតទៅ ប៉ុន្តែភាពឈឺចាប់ និងការបាត់បង់ដែលបានកើតឡើងនៅតែស្ថិតក្នុងការចងចាំរបស់ប្រជាជាតិជានិច្ច ហើយការលះបង់របស់វីរយុទ្ធជន និងទុក្ខលំបាករបស់ប្រជាពលរដ្ឋ គឺស្ថិតជាការចងចាំមិនអាចបំភ្លេចបានក្នុងដួងចិត្តប្រជាជាតិកម្ពុជា។
ការចងចាំនេះ បានក្លាយជាកម្លាំងជំរុញឱ្យប្រជាជនកម្ពុជាបន្តពង្រឹងឯកភាពជាតិ មហាសាមគ្គីភាព និងការត្រៀមខ្លួនគ្រប់កាលៈទេសៈ ដើម្បីការពារអធិបតេយ្យភាព បូរណភាពទឹកដីពីការរំលោភបំពាននានា។
ក្នុងរយៈពេលកន្លងមកនេះ ប្រមុខរាជរដ្ឋាភិបាលកម្ពុជា បានប្រកាន់ខ្ជាប់នូវយុទ្ធសាស្ត្រ «ស្ងាត់តែមិនស្ងៀម» ដោយខិតខំប្រឹងប្រែងយ៉ាងសកម្ម និងឥតឈប់ឈរ ក្នុងការដោះស្រាយជម្លោះតាមមធ្យោបាយសន្តិវិធី។ តាមរយៈកិច្ចការទូត ការចរចាទ្វេភាគី ការប្រើប្រាស់យន្តការច្បាប់អន្តរជាតិ និងកិច្ចសហប្រតិបត្តិការជាមួយដៃគូពាក់ព័ន្ធ កម្ពុជាបានបន្តស្វែងរកដំណោះស្រាយប្រកបដោយសន្តិភាព ស្ថិរភាព និងការគោរពច្បាប់អន្តរជាតិ។
រូបភាព៖ ទំព័រហ្វេសប៊ុក សហភាពសហព័ន្ធយុវជនកម្ពុជា Union of Youth Federations of Cambodia
ទន្ទឹមនឹងនោះ រាជរដ្ឋាភិបាលក៏បានយកចិត្តទុកដាក់លើការការពារសុវត្ថិភាព និងសុខុមាលភាពរបស់ប្រជាពលរដ្ឋ ការផ្តល់ជំនួយដល់អ្នករងគ្រោះ និងការការពារអធិបតេយ្យភាព ឯករាជ្យ និងបូរណភាពទឹកដី ដោយភាពអត់ធ្មត់ ភាពម៉ឺងម៉ាត់ និងការទទួលខុសត្រូវខ្ពស់។
ភាពឈឺចាប់ដ៏ធំធេងគ្មានថ្ងៃបំភ្លេចបាននេះ បានក្លាយជាចលករដ៏សំខាន់ក្នុងការបណ្តុះស្មារតីស្នេហាជាតិ និងយល់ច្បាស់ពីតម្លៃនៃសន្តិភាព។ ក្នុងនោះ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា បានគូសបញ្ជាក់ពីតម្លៃនៃសន្តិភាព និងកាតព្វកិច្ចកសាងជាតិ ដោយបានលើកឡើងថា «ការបណ្តុះស្មារតីជាតិ អ្វីដែលជាដួងព្រលឹង មោទនភាព និងឯកភាពជាតិ មិនត្រូវចាំដល់ពេលប្រទេសជាតិមានការឈ្លានពាននោះទេ»។
ប្រសាសន៍ដ៏មានអត្ថន័យនេះត្រូវបាន ឯកឧត្តម ហ៊ុន ម៉ានី លើកឡើងក្នុងមតិសំណេះសំណាលយ៉ាងស្និទ្ធស្នាលជាមួយថ្នាក់ដឹកនាំ និងសមាជិក សមាជិកា ស.ស.យ.ក. ខេត្តកោះកុង កាលពីថ្ងៃទី២០ ខែកក្កដា កន្លងទៅ។
ក្នុងន័យនេះ ឯកឧត្តម ចង់លើកទឹកចិត្ត និងអំពាវនាវដល់ថ្នាក់ដឹកនាំរចនាសម្ព័ន្ធថ្មី ព្រមទាំងសមាជិក សមាជិកា ឱ្យបន្តប្រកាន់ខ្ជាប់នូវស្មារតីទទួលខុសត្រូវខ្ពស់ បង្កើនសាមគ្គីភាពផ្ទៃក្នុង និងបន្តធ្វើជាគំរូដ៏ល្អក្នុងការបណ្តុះស្មារតីស្នេហាជាតិ ដើរទន្ទឹមគ្នានឹងការអភិវឌ្ឍសមត្ថភាពផ្ទាល់ខ្លួន ដើម្បីចូលរួមចំណែកដឹកនាំប្រទេសជាតិឱ្យកាន់តែរីកចម្រើន មិនចាំបាច់ទាល់តែមានការឈ្លានពានទើបយើងប្រឹងប្រែងបណ្តុះឡើយ។
ប្រជាជនកម្ពុជាចងចាំគ្មានថ្ងៃបំភ្លេចបាន! ១ឆ្នាំ នៃការចាប់ផ្តើមសកម្មភាពប្រដាប់អាវុធរបស់យោធាថៃមកលើកម្ពុជា។ សូមឧទ្ទិស និងគោរពដល់វិញ្ញាណក្ខន្ធវីរយុទ្ធជន ដែលបានពលីជីវិតក្នុងបុព្វហេតុការពារជាតិ និងបូរណភាពទឹកដី ព្រមទាំងសូមចូលរួមរំលែកទុក្ខដ៏ក្រៀមក្រំចំពោះប្រជាពលរដ្ឋស្លូតត្រង់ ដែលបានបាត់បង់ជីវិត ដោយសារសង្គ្រាម៕
ពីសារព័ត៌មាន The Khmer Daily Network
បើយើងរំលឹកថយក្រោយទៅថ្ងៃទី២៤ ខែកក្កដា ឆ្នាំ២០២៥ យើងចងចាំមិនភ្លេចនូវសកម្មភាពដែលយោធាថៃ បានចាប់ផ្តើមសកម្មភាពប្រដាប់អាវុធមកលើកងកម្លាំងកម្ពុជាដែលកំពុងបំពេញភារកិច្ចការពារព្រំដែនស្របច្បាប់របស់កម្ពុជា ដោយចាប់ផ្តើមពីតំបន់ប្រាសាទតាមាន់ធំ មុននឹងរាលដាលទៅកាន់តំបន់មួយចំនួនតាមបណ្តោយព្រំដែនកម្ពុជា-ថៃ។ ហេតុការណ៍នេះ បានបន្សល់ទុកនូវការបាត់បង់ជីវិត ការរងរបួស ការបែកបាក់គ្រួសារ និងផលប៉ះពាល់យ៉ាងធ្ងន់ធ្ងរដល់ប្រជាពលរដ្ឋស្លូតត្រង់ ព្រមទាំងបានឆ្លាក់ជាការចងចាំដ៏ឈឺចាប់មួយនៅក្នុងប្រវត្តិសាស្ត្រសហសម័យរបស់កម្ពុជា។
រយៈពេល ១ឆ្នាំបានកន្លងផុតទៅ ប៉ុន្តែភាពឈឺចាប់ និងការបាត់បង់ដែលបានកើតឡើងនៅតែស្ថិតក្នុងការចងចាំរបស់ប្រជាជាតិជានិច្ច ហើយការលះបង់របស់វីរយុទ្ធជន និងទុក្ខលំបាករបស់ប្រជាពលរដ្ឋ គឺស្ថិតជាការចងចាំមិនអាចបំភ្លេចបានក្នុងដួងចិត្តប្រជាជាតិកម្ពុជា។
ការចងចាំនេះ បានក្លាយជាកម្លាំងជំរុញឱ្យប្រជាជនកម្ពុជាបន្តពង្រឹងឯកភាពជាតិ មហាសាមគ្គីភាព និងការត្រៀមខ្លួនគ្រប់កាលៈទេសៈ ដើម្បីការពារអធិបតេយ្យភាព បូរណភាពទឹកដីពីការរំលោភបំពាននានា។
ក្នុងរយៈពេលកន្លងមកនេះ ប្រមុខរាជរដ្ឋាភិបាលកម្ពុជា បានប្រកាន់ខ្ជាប់នូវយុទ្ធសាស្ត្រ «ស្ងាត់តែមិនស្ងៀម» ដោយខិតខំប្រឹងប្រែងយ៉ាងសកម្ម និងឥតឈប់ឈរ ក្នុងការដោះស្រាយជម្លោះតាមមធ្យោបាយសន្តិវិធី។ តាមរយៈកិច្ចការទូត ការចរចាទ្វេភាគី ការប្រើប្រាស់យន្តការច្បាប់អន្តរជាតិ និងកិច្ចសហប្រតិបត្តិការជាមួយដៃគូពាក់ព័ន្ធ កម្ពុជាបានបន្តស្វែងរកដំណោះស្រាយប្រកបដោយសន្តិភាព ស្ថិរភាព និងការគោរពច្បាប់អន្តរជាតិ។
រូបភាព៖ ទំព័រហ្វេសប៊ុក សហភាពសហព័ន្ធយុវជនកម្ពុជា Union of Youth Federations of Cambodiaទន្ទឹមនឹងនោះ រាជរដ្ឋាភិបាលក៏បានយកចិត្តទុកដាក់លើការការពារសុវត្ថិភាព និងសុខុមាលភាពរបស់ប្រជាពលរដ្ឋ ការផ្តល់ជំនួយដល់អ្នករងគ្រោះ និងការការពារអធិបតេយ្យភាព ឯករាជ្យ និងបូរណភាពទឹកដី ដោយភាពអត់ធ្មត់ ភាពម៉ឺងម៉ាត់ និងការទទួលខុសត្រូវខ្ពស់។
ភាពឈឺចាប់ដ៏ធំធេងគ្មានថ្ងៃបំភ្លេចបាននេះ បានក្លាយជាចលករដ៏សំខាន់ក្នុងការបណ្តុះស្មារតីស្នេហាជាតិ និងយល់ច្បាស់ពីតម្លៃនៃសន្តិភាព។ ក្នុងនោះ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា បានគូសបញ្ជាក់ពីតម្លៃនៃសន្តិភាព និងកាតព្វកិច្ចកសាងជាតិ ដោយបានលើកឡើងថា «ការបណ្តុះស្មារតីជាតិ អ្វីដែលជាដួងព្រលឹង មោទនភាព និងឯកភាពជាតិ មិនត្រូវចាំដល់ពេលប្រទេសជាតិមានការឈ្លានពាននោះទេ»។
ប្រសាសន៍ដ៏មានអត្ថន័យនេះត្រូវបាន ឯកឧត្តម ហ៊ុន ម៉ានី លើកឡើងក្នុងមតិសំណេះសំណាលយ៉ាងស្និទ្ធស្នាលជាមួយថ្នាក់ដឹកនាំ និងសមាជិក សមាជិកា ស.ស.យ.ក. ខេត្តកោះកុង កាលពីថ្ងៃទី២០ ខែកក្កដា កន្លងទៅ។
ក្នុងន័យនេះ ឯកឧត្តម ចង់លើកទឹកចិត្ត និងអំពាវនាវដល់ថ្នាក់ដឹកនាំរចនាសម្ព័ន្ធថ្មី ព្រមទាំងសមាជិក សមាជិកា ឱ្យបន្តប្រកាន់ខ្ជាប់នូវស្មារតីទទួលខុសត្រូវខ្ពស់ បង្កើនសាមគ្គីភាពផ្ទៃក្នុង និងបន្តធ្វើជាគំរូដ៏ល្អក្នុងការបណ្តុះស្មារតីស្នេហាជាតិ ដើរទន្ទឹមគ្នានឹងការអភិវឌ្ឍសមត្ថភាពផ្ទាល់ខ្លួន ដើម្បីចូលរួមចំណែកដឹកនាំប្រទេសជាតិឱ្យកាន់តែរីកចម្រើន មិនចាំបាច់ទាល់តែមានការឈ្លានពានទើបយើងប្រឹងប្រែងបណ្តុះឡើយ។
ប្រជាជនកម្ពុជាចងចាំគ្មានថ្ងៃបំភ្លេចបាន! ១ឆ្នាំ នៃការចាប់ផ្តើមសកម្មភាពប្រដាប់អាវុធរបស់យោធាថៃមកលើកម្ពុជា។ សូមឧទ្ទិស និងគោរពដល់វិញ្ញាណក្ខន្ធវីរយុទ្ធជន ដែលបានពលីជីវិតក្នុងបុព្វហេតុការពារជាតិ និងបូរណភាពទឹកដី ព្រមទាំងសូមចូលរួមរំលែកទុក្ខដ៏ក្រៀមក្រំចំពោះប្រជាពលរដ្ឋស្លូតត្រង់ ដែលបានបាត់បង់ជីវិត ដោយសារសង្គ្រាម៕
ពីសារព័ត៌មាន The Khmer Daily Network
