National
• 1 hour ago• Lim_Rothanaksambath
ប្រែក្លាយអតីតសមរភូមិឱ្យទៅជាតំបន់អភិវឌ្ឍន៍! កម្ពុជា និង កូរ៉េ សម្ពោធដាក់ឱ្យប្រើប្រាស់មណ្ឌលសុខភាពម៉ាឡៃ និង ភូមិសន្តិភាព
ភ្នំពេញ, ថ្ងៃទី៦ ខែសីហា ឆ្នាំ២០២៦៖ ក្រោមម្លប់នៃសុខសន្តិភាព តំបន់ដែលធ្លាប់តែជាសមរភូមិក្តៅនាពេលអតីតកាល បានប្រែក្លាយមុខមាត់ថ្មីជាតំបន់អភិវឌ្ឍន៍ប្រកបដោយនិរន្តរភាព។ ជាក់ស្តែង នៅព្រឹកថ្ងៃទី០៦ ខែសីហានេះ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ រួមជាមួយ ឯកឧត្តម Kim Chang Yong ឯកអគ្គរដ្ឋទូតនៃសាធារណរដ្ឋកូរ៉េប្រចាំកម្ពុជា បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគារមណ្ឌលសុខភាពម៉ាឡៃ និងសមិទ្ធផលនានាជាច្រើនទៀត ក្នុងស្រុកម៉ាឡៃ ខេត្តបន្ទាយមានជ័យ។
សមិទ្ធផលដែលត្រូវបានសម្ពោធនាពេលនេះ គឺជាផ្លែផ្កានៃ «គម្រោងការកសាងភូមិសន្តិភាព តាមរយៈការអភិវឌ្ឍសហគមន៍ជនបទចម្រុះ» ដែលបានអនុវត្តយ៉ាងសស្រាក់សស្រាំក្នុងរយៈពេល ៥ឆ្នាំកន្លងមក ក្រោមហិរញ្ញប្បទានឥតសំណងពីសាធារណរដ្ឋកូរ៉េ តាមរយៈទីភ្នាក់ងារសហប្រតិបត្តិការអន្តរជាតិកូរ៉េ (KOICA) និងកិច្ចសម្របសម្រួលដោយក្រសួងអភិវឌ្ឍន៍ជនបទ។
សមិទ្ធផលដែលសម្ពោធដាក់ឱ្យប្រើប្រាស់ជាផ្លូវការនាពេលនេះ រួមមាន៖ អគារមណ្ឌលសុខភាពទំហំ ១៥មx១៥ម, បង្គន់បរិយាបន្ន ៣បន្ទប់, កន្លែងលាងដៃ ១កន្លែង, ឡដុតសំរាមនិងកាកសំណល់វេជ្ជសាស្ដ្រ ១កន្លែង, ប្រព័ន្ធចម្រោះទឹកស្អាត ១កន្លែង, ផ្ដល់ធុងស្តុកទឹកចំណុះ ១០ ០០០លីត្រ ១ធុង, អណ្តូងស្នប់ ១កន្លែង, មជ្ឈមណ្ឌលសិក្សាសហគមន៍, ស្រះទឹកសហគមន៍, បណ្ណាល័យនិងទីចាត់ការ, ផ្លូវបេតុងអារម៉េ និងស្ថានីយផលិតទឹកពិសាប៊ីដុងចំណុះ ២០លីត្រផងដែរ។
ប្រភព និងរូបភាព៖ ទំព័រហ្វេសប៊ុក ក្រសួងអភិវឌ្ឍន៍ជនបទ Ministry of Rural Development
ថ្លែងក្នុងឱកាសនោះ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានគូសបញ្ជាក់ថា គម្រោង «ភូមិសន្តិភាព» នេះ កំពុងអនុវត្តក្នុងភូមិគោលដៅចំនួន ៣០ ក្នុងខេត្តចំនួន៣ រួមមាន ខេត្តបាត់ដំបង ប៉ៃលិន និងបន្ទាយមានជ័យ។ គោលបំណងចម្បង គឺដើម្បីលើកកម្ពស់គុណភាពជីវិតរបស់ប្រជាពលរដ្ឋនៅតាមតំបន់ដាច់ស្រយាល ទាំងផ្នែកសេដ្ឋកិច្ច សង្គមកិច្ច និងវប្បធម៌ ឱ្យកាន់តែប្រសើរឡើង និងប្រកបដោយបរិយាបន្ន។
ពិធីនេះក៏មានការចូលរួមពីតំណាងក្រសួងសុខាភិបាល, អាជ្ញាធរខេត្ត, តំណាងអង្គការ KOICA និងប្រជាពលរដ្ឋសរុបជាង ៦០០នាក់។ សមិទ្ធផលទាំងនេះ មិនត្រឹមតែជួយកាត់បន្ថយភាពក្រីក្រប៉ុណ្ណោះទេ ប៉ុន្តែថែមទាំងជាផ្នែកមួយយ៉ាងសំខាន់ក្នុងការគាំទ្រដល់ «យុទ្ធសាស្ត្របញ្ចកោណ ដំណាក់កាលទី១» របស់រាជរដ្ឋាភិបាលកម្ពុជា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត ក្នុងគោលដៅសម្រេចឱ្យបាននូវចក្ខុវិស័យកម្ពុជាជាប្រទេសមានប្រាក់ចំណូលខ្ពស់នៅឆ្នាំ២០៥០។
តាមរយៈការអភិវឌ្ឍនេះ ស្រុកម៉ាឡៃដែលធ្លាប់តែជាតំបន់ដាច់ស្រយាល និងរងគ្រោះដោយសារសង្គ្រាម បានក្លាយជាសក្ខីភាពនៃកិច្ចសហប្រតិបត្តិការដ៏ល្អរវាងកម្ពុជា និងកូរ៉េ ក្នុងការកសាងសហគមន៍ឱ្យមានភាពរឹងមាំ និងមានសន្តិភាពពិតប្រាកដតាមរយៈការអភិវឌ្ឍ៕
រាយការណ៍ដោយ សារព័ត៌មាន The Khmer Daily Network
សមិទ្ធផលដែលត្រូវបានសម្ពោធនាពេលនេះ គឺជាផ្លែផ្កានៃ «គម្រោងការកសាងភូមិសន្តិភាព តាមរយៈការអភិវឌ្ឍសហគមន៍ជនបទចម្រុះ» ដែលបានអនុវត្តយ៉ាងសស្រាក់សស្រាំក្នុងរយៈពេល ៥ឆ្នាំកន្លងមក ក្រោមហិរញ្ញប្បទានឥតសំណងពីសាធារណរដ្ឋកូរ៉េ តាមរយៈទីភ្នាក់ងារសហប្រតិបត្តិការអន្តរជាតិកូរ៉េ (KOICA) និងកិច្ចសម្របសម្រួលដោយក្រសួងអភិវឌ្ឍន៍ជនបទ។
សមិទ្ធផលដែលសម្ពោធដាក់ឱ្យប្រើប្រាស់ជាផ្លូវការនាពេលនេះ រួមមាន៖ អគារមណ្ឌលសុខភាពទំហំ ១៥មx១៥ម, បង្គន់បរិយាបន្ន ៣បន្ទប់, កន្លែងលាងដៃ ១កន្លែង, ឡដុតសំរាមនិងកាកសំណល់វេជ្ជសាស្ដ្រ ១កន្លែង, ប្រព័ន្ធចម្រោះទឹកស្អាត ១កន្លែង, ផ្ដល់ធុងស្តុកទឹកចំណុះ ១០ ០០០លីត្រ ១ធុង, អណ្តូងស្នប់ ១កន្លែង, មជ្ឈមណ្ឌលសិក្សាសហគមន៍, ស្រះទឹកសហគមន៍, បណ្ណាល័យនិងទីចាត់ការ, ផ្លូវបេតុងអារម៉េ និងស្ថានីយផលិតទឹកពិសាប៊ីដុងចំណុះ ២០លីត្រផងដែរ។
ប្រភព និងរូបភាព៖ ទំព័រហ្វេសប៊ុក ក្រសួងអភិវឌ្ឍន៍ជនបទ Ministry of Rural Developmentថ្លែងក្នុងឱកាសនោះ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានគូសបញ្ជាក់ថា គម្រោង «ភូមិសន្តិភាព» នេះ កំពុងអនុវត្តក្នុងភូមិគោលដៅចំនួន ៣០ ក្នុងខេត្តចំនួន៣ រួមមាន ខេត្តបាត់ដំបង ប៉ៃលិន និងបន្ទាយមានជ័យ។ គោលបំណងចម្បង គឺដើម្បីលើកកម្ពស់គុណភាពជីវិតរបស់ប្រជាពលរដ្ឋនៅតាមតំបន់ដាច់ស្រយាល ទាំងផ្នែកសេដ្ឋកិច្ច សង្គមកិច្ច និងវប្បធម៌ ឱ្យកាន់តែប្រសើរឡើង និងប្រកបដោយបរិយាបន្ន។
ពិធីនេះក៏មានការចូលរួមពីតំណាងក្រសួងសុខាភិបាល, អាជ្ញាធរខេត្ត, តំណាងអង្គការ KOICA និងប្រជាពលរដ្ឋសរុបជាង ៦០០នាក់។ សមិទ្ធផលទាំងនេះ មិនត្រឹមតែជួយកាត់បន្ថយភាពក្រីក្រប៉ុណ្ណោះទេ ប៉ុន្តែថែមទាំងជាផ្នែកមួយយ៉ាងសំខាន់ក្នុងការគាំទ្រដល់ «យុទ្ធសាស្ត្របញ្ចកោណ ដំណាក់កាលទី១» របស់រាជរដ្ឋាភិបាលកម្ពុជា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត ក្នុងគោលដៅសម្រេចឱ្យបាននូវចក្ខុវិស័យកម្ពុជាជាប្រទេសមានប្រាក់ចំណូលខ្ពស់នៅឆ្នាំ២០៥០។
តាមរយៈការអភិវឌ្ឍនេះ ស្រុកម៉ាឡៃដែលធ្លាប់តែជាតំបន់ដាច់ស្រយាល និងរងគ្រោះដោយសារសង្គ្រាម បានក្លាយជាសក្ខីភាពនៃកិច្ចសហប្រតិបត្តិការដ៏ល្អរវាងកម្ពុជា និងកូរ៉េ ក្នុងការកសាងសហគមន៍ឱ្យមានភាពរឹងមាំ និងមានសន្តិភាពពិតប្រាកដតាមរយៈការអភិវឌ្ឍ៕
រាយការណ៍ដោយ សារព័ត៌មាន The Khmer Daily Network
