National
• 22 hours ago• Lim_Rothanaksambath
ក្រុមប្រឹក្សាអភិវឌ្ឍន៍កម្ពុជា និងគណៈប្រតិភូធុរកិច្ចហុងកុង ពិភាក្សាការវិនិយោគបច្ចេកវិទ្យាទំនើប និងបង្កើនកិច្ចសហប្រតិបត្តការលើអន្តរវិស័យ
ភ្នំពេញ, ថ្ងៃទី៧ ខែសីហា ឆ្នាំ២០២៦៖ ក្នុងគោលដៅពង្រឹងទំហំវិនិយោគផ្ទាល់ពីបរទេស និងការធ្វើទំនើបកម្មសេដ្ឋកិច្ចឌីជីថល ឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា (ក.អ.ក.) បានអនុញ្ញាតឱ្យគណៈប្រតិភូធុរកិច្ចជាន់ខ្ពស់មកពីហុងកុង និងតំបន់ឆ្នេរសមុទ្រក្វាងទុង-ហុងកុង-ម៉ាកាវ (GBA Alliance) ចូលជួបពិភាក្សាការងារយ៉ាងស៊ីជម្រៅ កាលពីរសៀលថ្ងៃទី៦ ខែសីហា ឆ្នាំ២០២៦ ម្សិលមិញនេះ។
ជំនួបនេះដឹកនាំដោយ លោកបណ្ឌិត Jonathan K S Choi ប្រធានក្រុមប្រឹក្សាភិបាលនៃសភាពាណិជ្ជកម្មចិនហុងកុង (CGCC) និងជាប្រធានក្រុមហ៊ុនយក្ស Sunwah Group ដែលមានវត្តមានវិនិយោគនៅកម្ពុជាជាច្រើនទសវត្សរ៍មកហើយ។ កិច្ចពិភាក្សាបានផ្ដោតសំខាន់លើការស្វែងរកកាលានុវត្តភាពក្នុងវិស័យបច្ចេកវិទ្យា និងឧស្សាហកម្មដែលមានតម្លៃបន្ថែមខ្ពស់។ ក្នុងនោះ កម្ពុជាបានបង្ហាញសក្តានុពលយុទ្ធសាស្ត្រចំនួន ៤ សំខាន់ៗ។
ក្នុងជំនួនដ៏មានអត្ថន័យនេះ ឯកឧត្តមឧបនាយករដ្ឋមន្ត្រី ស៊ុន ចាន់ថុល បានលើកបង្ហាញនូវចំណុចខ្លាំងរបស់កម្ពុជា ដែលជាកាតាលីករទាក់ទាញវិនិយោគិន៖
១. ធនធានមនុស្សវ័យក្មេង៖ កម្ពុជាមានប្រៀបជាងគេក្នុងតំបន់ ដោយមានកម្លាំងពលកម្មភាគច្រើនអាយុក្រោម ៣០ឆ្នាំ ដែលពោរពេញដោយថាមពល និងសមត្ថភាពចាប់យកបច្ចេកវិទ្យាថ្មីៗយ៉ាងរហ័ស។
២. ការតភ្ជាប់ហេដ្ឋារចនាសម្ព័ន្ធ៖ រាជរដ្ឋាភិបាលបាននិងកំពុងសម្រេចបាននូវសមិទ្ធផលធំៗ រួមមានផ្លូវល្បឿនលឿន កំពង់ផែទឹកជ្រៅ និងជាពិសេស "ព្រែកជីកហ្វូណនតេជោ" ដែលនឹងក្លាយជាសរសៃឈាមសេដ្ឋកិច្ចថ្មី កាត់បន្ថយថ្លៃដើមដឹកជញ្ជូន និងភស្តុភារកម្ម។
៣. ការធ្វើឌីជីថលូបនីយកម្មសេវាសាធារណៈ៖ តាមរយៈប្រព័ន្ធ cdcIPM ដែលដាក់ឱ្យប្រើប្រាស់តាំងពីចុងឆ្នាំ២០២៤ បានជួយឱ្យការចុះបញ្ជីវិនិយោគមានភាពងាយស្រួល តម្លាភាព និងឆាប់រហ័សតាមប្រព័ន្ធអនឡាញ។
៤. សុវត្ថិភាព និងទំនុកចិត្ត៖ ឯកឧត្តមបានបញ្ជាក់ពីវិធានការក្ដៅរបស់រាជរដ្ឋាភិបាល ក្នុងការបង្ក្រាបបទល្មើសឆបោកតាមប្រព័ន្ធអនឡាញ (Online Scam) ដើម្បីធានាបរិយាកាសធុរកិច្ចឱ្យមានភាពស្អាតស្អំ និងសុវត្ថិភាពខ្ពស់បំផុត។
ប្រភព និងរូបភាព៖ ទំព័រហ្វេសប៊ុក Chanthol Sun DPM
ជាការឆ្លើយតប លោកបណ្ឌិត Jonathan K S Choi បានកោតសរសើរចំពោះការអភិវឌ្ឍយ៉ាងឆាប់រហ័សរបស់កម្ពុជា និងបានបង្ហាញបំណងនាំយកក្រុមហ៊ុនបុត្រសម្ព័ន្ធ និងដៃគូវិនិយោគក្នុងតំបន់ GBA មកបណ្ដាក់ទុនលើវិស័យសំខាន់ៗរួមមាន៖ បច្ចេកវិទ្យាបញ្ញាសិប្បនិម្មិត (AI) និងវិស័យឌីជីថល, ថាមពលបៃតង និងការអភិវឌ្ឍប្រកបដោយចីរភាព ឧស្សាហកម្មកែច្នៃកម្រិតខ្ពស់, វិស័យអប់រំ និងការបណ្តុះបណ្តាលជំនាញបច្ចេកទេស និង វិស័យសុខាភិបាល និងហេដ្ឋារចនាសម្ព័ន្ធវេជ្ជសាស្ត្រទំនើប។
តាមរយៈជំនួបនេះ អ្នកជំនាញសេដ្ឋកិច្ចយល់ឃើញថា នេះគឺជាសញ្ញាណវិជ្ជមានថ្មីមួយទៀតសម្រាប់ការងើបឡើងវិញនៃសេដ្ឋកិច្ចកម្ពុជា។ ការទាក់ទាញវិនិយោគិនពីតំបន់ GBA (Guangdong-Hong Kong-Macao Greater Bay Area) មិនត្រឹមតែនាំមកនូវលំហូរទុន (FDI) ប៉ុណ្ណោះទេ ប៉ុន្តែថែមទាំងនាំមកនូវការផ្ទេរបច្ចេកវិទ្យា (Technology Transfer) និងការបង្កើតការងារដែលមានជំនាញខ្ពស់សម្រាប់យុវជនកម្ពុជាផងដែរ។
គួរបញ្ជាក់ថា ក្រុមហ៊ុន Sunwah Group របស់លោកបណ្ឌិត Jonathan K S Choi គឺជាវិនិយោគិនដ៏មានឥទ្ធិពលមួយ ដែលបានប្រតិបត្តិការនៅក្នុងប្រទេសកម្ពុជាតាំងពីឆ្នាំ ១៩៩៤ មកម្ល៉េះ ក្នុងវិស័យដូចជា គ្រឿងសមុទ្រ អចលនទ្រព្យ និងសេវាកម្មហិរញ្ញវត្ថុ ដែលការបន្តពង្រីកខ្លួននាពេលនេះ នឹងកាន់តែរឹតចំណងសេដ្ឋកិច្ចរវាងកម្ពុជា និងហុងកុង ឱ្យកាន់តែរឹងមាំថែមមួយកម្រិតទៀត៕
រាយការណ៍ដោយ សារព័ត៌មាន The Khmer Daily Network
ជំនួបនេះដឹកនាំដោយ លោកបណ្ឌិត Jonathan K S Choi ប្រធានក្រុមប្រឹក្សាភិបាលនៃសភាពាណិជ្ជកម្មចិនហុងកុង (CGCC) និងជាប្រធានក្រុមហ៊ុនយក្ស Sunwah Group ដែលមានវត្តមានវិនិយោគនៅកម្ពុជាជាច្រើនទសវត្សរ៍មកហើយ។ កិច្ចពិភាក្សាបានផ្ដោតសំខាន់លើការស្វែងរកកាលានុវត្តភាពក្នុងវិស័យបច្ចេកវិទ្យា និងឧស្សាហកម្មដែលមានតម្លៃបន្ថែមខ្ពស់។ ក្នុងនោះ កម្ពុជាបានបង្ហាញសក្តានុពលយុទ្ធសាស្ត្រចំនួន ៤ សំខាន់ៗ។
ក្នុងជំនួនដ៏មានអត្ថន័យនេះ ឯកឧត្តមឧបនាយករដ្ឋមន្ត្រី ស៊ុន ចាន់ថុល បានលើកបង្ហាញនូវចំណុចខ្លាំងរបស់កម្ពុជា ដែលជាកាតាលីករទាក់ទាញវិនិយោគិន៖
១. ធនធានមនុស្សវ័យក្មេង៖ កម្ពុជាមានប្រៀបជាងគេក្នុងតំបន់ ដោយមានកម្លាំងពលកម្មភាគច្រើនអាយុក្រោម ៣០ឆ្នាំ ដែលពោរពេញដោយថាមពល និងសមត្ថភាពចាប់យកបច្ចេកវិទ្យាថ្មីៗយ៉ាងរហ័ស។
២. ការតភ្ជាប់ហេដ្ឋារចនាសម្ព័ន្ធ៖ រាជរដ្ឋាភិបាលបាននិងកំពុងសម្រេចបាននូវសមិទ្ធផលធំៗ រួមមានផ្លូវល្បឿនលឿន កំពង់ផែទឹកជ្រៅ និងជាពិសេស "ព្រែកជីកហ្វូណនតេជោ" ដែលនឹងក្លាយជាសរសៃឈាមសេដ្ឋកិច្ចថ្មី កាត់បន្ថយថ្លៃដើមដឹកជញ្ជូន និងភស្តុភារកម្ម។
៣. ការធ្វើឌីជីថលូបនីយកម្មសេវាសាធារណៈ៖ តាមរយៈប្រព័ន្ធ cdcIPM ដែលដាក់ឱ្យប្រើប្រាស់តាំងពីចុងឆ្នាំ២០២៤ បានជួយឱ្យការចុះបញ្ជីវិនិយោគមានភាពងាយស្រួល តម្លាភាព និងឆាប់រហ័សតាមប្រព័ន្ធអនឡាញ។
៤. សុវត្ថិភាព និងទំនុកចិត្ត៖ ឯកឧត្តមបានបញ្ជាក់ពីវិធានការក្ដៅរបស់រាជរដ្ឋាភិបាល ក្នុងការបង្ក្រាបបទល្មើសឆបោកតាមប្រព័ន្ធអនឡាញ (Online Scam) ដើម្បីធានាបរិយាកាសធុរកិច្ចឱ្យមានភាពស្អាតស្អំ និងសុវត្ថិភាពខ្ពស់បំផុត។
ប្រភព និងរូបភាព៖ ទំព័រហ្វេសប៊ុក Chanthol Sun DPMជាការឆ្លើយតប លោកបណ្ឌិត Jonathan K S Choi បានកោតសរសើរចំពោះការអភិវឌ្ឍយ៉ាងឆាប់រហ័សរបស់កម្ពុជា និងបានបង្ហាញបំណងនាំយកក្រុមហ៊ុនបុត្រសម្ព័ន្ធ និងដៃគូវិនិយោគក្នុងតំបន់ GBA មកបណ្ដាក់ទុនលើវិស័យសំខាន់ៗរួមមាន៖ បច្ចេកវិទ្យាបញ្ញាសិប្បនិម្មិត (AI) និងវិស័យឌីជីថល, ថាមពលបៃតង និងការអភិវឌ្ឍប្រកបដោយចីរភាព ឧស្សាហកម្មកែច្នៃកម្រិតខ្ពស់, វិស័យអប់រំ និងការបណ្តុះបណ្តាលជំនាញបច្ចេកទេស និង វិស័យសុខាភិបាល និងហេដ្ឋារចនាសម្ព័ន្ធវេជ្ជសាស្ត្រទំនើប។
តាមរយៈជំនួបនេះ អ្នកជំនាញសេដ្ឋកិច្ចយល់ឃើញថា នេះគឺជាសញ្ញាណវិជ្ជមានថ្មីមួយទៀតសម្រាប់ការងើបឡើងវិញនៃសេដ្ឋកិច្ចកម្ពុជា។ ការទាក់ទាញវិនិយោគិនពីតំបន់ GBA (Guangdong-Hong Kong-Macao Greater Bay Area) មិនត្រឹមតែនាំមកនូវលំហូរទុន (FDI) ប៉ុណ្ណោះទេ ប៉ុន្តែថែមទាំងនាំមកនូវការផ្ទេរបច្ចេកវិទ្យា (Technology Transfer) និងការបង្កើតការងារដែលមានជំនាញខ្ពស់សម្រាប់យុវជនកម្ពុជាផងដែរ។
គួរបញ្ជាក់ថា ក្រុមហ៊ុន Sunwah Group របស់លោកបណ្ឌិត Jonathan K S Choi គឺជាវិនិយោគិនដ៏មានឥទ្ធិពលមួយ ដែលបានប្រតិបត្តិការនៅក្នុងប្រទេសកម្ពុជាតាំងពីឆ្នាំ ១៩៩៤ មកម្ល៉េះ ក្នុងវិស័យដូចជា គ្រឿងសមុទ្រ អចលនទ្រព្យ និងសេវាកម្មហិរញ្ញវត្ថុ ដែលការបន្តពង្រីកខ្លួននាពេលនេះ នឹងកាន់តែរឹតចំណងសេដ្ឋកិច្ចរវាងកម្ពុជា និងហុងកុង ឱ្យកាន់តែរឹងមាំថែមមួយកម្រិតទៀត៕
រាយការណ៍ដោយ សារព័ត៌មាន The Khmer Daily Network
