National
• 2 hours ago• Lim_Rothanaksambath
សភាសហព័ន្ធរុស្សី ត្រៀមទទួលស្វាគមន៍ដំណើរទស្សនកិច្ចផ្លូវការទៅកាន់សហព័ន្ធរុស្សីរបស់ សម្ដេចតេជោ ហ៊ុន សែន នាពេលខាងមុខនេះ
ភ្នំពេញ, ថ្ងៃទី២៨ ខែសីហា ឆ្នាំ២០២៦៖ ក្នុងស្មារតីពង្រឹងទំនាក់ទំនងទ្វេភាគី និងកិច្ចសហប្រតិបត្តិការលើវិស័យនីតិបញ្ញត្តិ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានទទួលជួបពិភាក្សាការងារជាមួយប្រតិភូជាន់ខ្ពស់សហព័ន្ធរុស្ស៊ី ក្នុងឱកាសដែលកម្ពុជាកំពុងធ្វើជាម្ចាស់ផ្ទះនៃសន្និសីទអន្តរជាតិដ៏មានសារៈសំខាន់មួយ។
តួយ៉ាង នៅរសៀលថ្ងៃទី២៧ ខែសីហា ឆ្នាំ២០២៦ នៅអគារពន្ធដារជាតិ សម្ដេចតេជោ ហ៊ុន សែន ក្នុងនាមជាប្រធានសន្និសីទប្រធានសភា នៃអន្តរសភា លើកទី២ (ISC-2) បានអនុញ្ញាតឱ្យ ឯកឧត្ដម Konstantin Kosachev អនុប្រធានក្រុមប្រឹក្សាសហព័ន្ធ នៃសភាសហព័ន្ធរុស្សី ចូលជួបសម្ដែងការគួរសម និងពិភាក្សាការងារជាផ្លូវការ។
យោងតាមការបញ្ជាក់របស់ ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងថា ក្នុងជំនួបនោះ ឯកឧត្ដម Konstantin Kosachev បានសម្ដែងនូវការកោតសរសើរយ៉ាងខ្លាំងចំពោះសន្ទុះនៃការអភិវឌ្ឍដ៏ឆាប់រហ័សរបស់កម្ពុជា ក្រោមការដឹកនាំដ៏ឈ្លាសវៃ។ លើសពីនេះ តំណាងជាន់ខ្ពស់រុស្ស៊ីរូបនេះ ក៏បានវាយតម្លៃខ្ពស់ចំពោះកេរ្តិ៍ឈ្មោះ និងតួនាទីដ៏សកម្មរបស់កម្ពុជាលើឆាកអន្តរជាតិ ដែលបានបង្ហាញពីឥទ្ធិពល និងភាពចាស់ទុំខាងនយោបាយការបរទេស។
ជាការឆ្លើយតប សម្ដេចតេជោ ហ៊ុន សែន បានថ្លែងអំណរគុណចំពោះការវាយតម្លៃវិជ្ជមានរបស់ភាគីរុស្ស៊ី និងបានថ្លែងអំណរគុណយ៉ាងជ្រាលជ្រៅចំពោះ ឯកឧត្ដម Konstantin Kosachev ដែលបានចំណាយពេលវេលាដ៏មានតម្លៃអញ្ជើញមកចូលរួមក្នុងសន្និសីទ ISC-2 នៅរាជធានីភ្នំពេញ ដែលវត្តមាននេះបានឆ្លុះបញ្ចាំងពីការគាំទ្ររបស់រុស្ស៊ីចំពោះវេទិកានីតិបញ្ញត្តិអន្តរជាតិដែលកម្ពុជាដឹកនាំ។
ប្រភព និងរូបភាព៖ ទំព័រហ្វេសប៊ុក Samdech Hun Sen of Cambodia
ក្នុងនោះ ឯកឧត្តម ជា ធីរិទ្ធ បានបញ្ជាក់ទៀតថា ចំណុចសំខាន់នៃកិច្ចពិភាក្សានេះ គឺការលើកឡើងអំពីការត្រៀមលក្ខណៈសម្រាប់ ទស្សនកិច្ចផ្លូវការរបស់សម្ដេចតេជោ ហ៊ុន សែន ទៅកាន់សហព័ន្ធរុស្ស៊ី នាពេលខាងមុខ។ ឯកឧត្ដម Kosachev បានបញ្ជាក់ថា ថ្នាក់ដឹកនាំកំពូលនៃសហព័ន្ធរុស្ស៊ី រង់ចាំទទួលស្វាគមន៍វត្តមានរបស់សម្ដេចតេជោយ៉ាងកក់ក្តៅ ដើម្បីបន្តរឹតចំណងមិត្តភាពជាប្រពៃណី និងពង្រីកវិសាលភាពនៃកិច្ចសហប្រតិបត្តិការរវាងប្រទេសទាំងពីរ ទាំងក្នុងក្របខណ្ឌរដ្ឋាភិបាល និងស្ថាប័ននីតិបញ្ញត្តិ ព្រមទាំងវិស័យយុទ្ធសាស្ត្រផ្សេងៗទៀត។
គួររំលឹកផងដែរថា ទំនាក់ទំនងរវាងកម្ពុជា និងរុស្ស៊ី (អតីតសហភាពសូវៀត) គឺជាទំនាក់ទំនងជាប្រវត្តិសាស្ត្រដែលបានជួយជ្រោមជ្រែងកម្ពុជាតាំងពីក្រោយសម័យប៉ុលពត។ ការរៀបចំទស្សនកិច្ចផ្លូវការនាពេលខាងមុខនេះ ត្រូវបានគេមើលឃើញថាជានិមិត្តរូបនៃការបន្តពង្រឹងតុល្យភាពនយោបាយការបរទេស និងការស្វែងរកកិច្ចសហប្រតិបត្តិការសេដ្ឋកិច្ច-សន្តិសុខបន្ថែមទៀតសម្រាប់កម្ពុជា៕
រាយការណ៍ដោយ សារព័ត៌មាន The Khmer Daily Network
តួយ៉ាង នៅរសៀលថ្ងៃទី២៧ ខែសីហា ឆ្នាំ២០២៦ នៅអគារពន្ធដារជាតិ សម្ដេចតេជោ ហ៊ុន សែន ក្នុងនាមជាប្រធានសន្និសីទប្រធានសភា នៃអន្តរសភា លើកទី២ (ISC-2) បានអនុញ្ញាតឱ្យ ឯកឧត្ដម Konstantin Kosachev អនុប្រធានក្រុមប្រឹក្សាសហព័ន្ធ នៃសភាសហព័ន្ធរុស្សី ចូលជួបសម្ដែងការគួរសម និងពិភាក្សាការងារជាផ្លូវការ។
យោងតាមការបញ្ជាក់របស់ ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងថា ក្នុងជំនួបនោះ ឯកឧត្ដម Konstantin Kosachev បានសម្ដែងនូវការកោតសរសើរយ៉ាងខ្លាំងចំពោះសន្ទុះនៃការអភិវឌ្ឍដ៏ឆាប់រហ័សរបស់កម្ពុជា ក្រោមការដឹកនាំដ៏ឈ្លាសវៃ។ លើសពីនេះ តំណាងជាន់ខ្ពស់រុស្ស៊ីរូបនេះ ក៏បានវាយតម្លៃខ្ពស់ចំពោះកេរ្តិ៍ឈ្មោះ និងតួនាទីដ៏សកម្មរបស់កម្ពុជាលើឆាកអន្តរជាតិ ដែលបានបង្ហាញពីឥទ្ធិពល និងភាពចាស់ទុំខាងនយោបាយការបរទេស។
ជាការឆ្លើយតប សម្ដេចតេជោ ហ៊ុន សែន បានថ្លែងអំណរគុណចំពោះការវាយតម្លៃវិជ្ជមានរបស់ភាគីរុស្ស៊ី និងបានថ្លែងអំណរគុណយ៉ាងជ្រាលជ្រៅចំពោះ ឯកឧត្ដម Konstantin Kosachev ដែលបានចំណាយពេលវេលាដ៏មានតម្លៃអញ្ជើញមកចូលរួមក្នុងសន្និសីទ ISC-2 នៅរាជធានីភ្នំពេញ ដែលវត្តមាននេះបានឆ្លុះបញ្ចាំងពីការគាំទ្ររបស់រុស្ស៊ីចំពោះវេទិកានីតិបញ្ញត្តិអន្តរជាតិដែលកម្ពុជាដឹកនាំ។
ប្រភព និងរូបភាព៖ ទំព័រហ្វេសប៊ុក Samdech Hun Sen of Cambodiaក្នុងនោះ ឯកឧត្តម ជា ធីរិទ្ធ បានបញ្ជាក់ទៀតថា ចំណុចសំខាន់នៃកិច្ចពិភាក្សានេះ គឺការលើកឡើងអំពីការត្រៀមលក្ខណៈសម្រាប់ ទស្សនកិច្ចផ្លូវការរបស់សម្ដេចតេជោ ហ៊ុន សែន ទៅកាន់សហព័ន្ធរុស្ស៊ី នាពេលខាងមុខ។ ឯកឧត្ដម Kosachev បានបញ្ជាក់ថា ថ្នាក់ដឹកនាំកំពូលនៃសហព័ន្ធរុស្ស៊ី រង់ចាំទទួលស្វាគមន៍វត្តមានរបស់សម្ដេចតេជោយ៉ាងកក់ក្តៅ ដើម្បីបន្តរឹតចំណងមិត្តភាពជាប្រពៃណី និងពង្រីកវិសាលភាពនៃកិច្ចសហប្រតិបត្តិការរវាងប្រទេសទាំងពីរ ទាំងក្នុងក្របខណ្ឌរដ្ឋាភិបាល និងស្ថាប័ននីតិបញ្ញត្តិ ព្រមទាំងវិស័យយុទ្ធសាស្ត្រផ្សេងៗទៀត។
គួររំលឹកផងដែរថា ទំនាក់ទំនងរវាងកម្ពុជា និងរុស្ស៊ី (អតីតសហភាពសូវៀត) គឺជាទំនាក់ទំនងជាប្រវត្តិសាស្ត្រដែលបានជួយជ្រោមជ្រែងកម្ពុជាតាំងពីក្រោយសម័យប៉ុលពត។ ការរៀបចំទស្សនកិច្ចផ្លូវការនាពេលខាងមុខនេះ ត្រូវបានគេមើលឃើញថាជានិមិត្តរូបនៃការបន្តពង្រឹងតុល្យភាពនយោបាយការបរទេស និងការស្វែងរកកិច្ចសហប្រតិបត្តិការសេដ្ឋកិច្ច-សន្តិសុខបន្ថែមទៀតសម្រាប់កម្ពុជា៕
រាយការណ៍ដោយ សារព័ត៌មាន The Khmer Daily Network
