National
• 1 hour ago• Lim_Rothanaksambath
ប្រធានរដ្ឋសភាម៉ាឡេស៊ី ចាត់ទុកការលះបង់របស់ សម្ដេចតេជោ ជាមេរៀនមួយដ៏មានសារៈសំខាន់សម្រាប់យុវជនរបស់ម៉ាឡេស៊ី
ភ្នំពេញ, ថ្ងៃទី២៨ ខែសីហា ឆ្នាំ២០២៦៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានសន្និសីទប្រធានសភា នៃអន្តរសភា លើកទី២ (ISC-2) បានទទួលជួបសម្ដែងការគួរសម និងពិភាក្សាការងារជាមួយ ឯកឧត្តម Tan Sri Dato' Johari bin Abdul ប្រធានរដ្ឋសភានៃប្រទេសម៉ាឡេស៊ី នៅរសៀលថ្ងៃទី២៧ ខែសីហា ឆ្នាំ២០២៦ ក្នុងឱកាសដែលកម្ពុជាធ្វើជាម្ចាស់ផ្ទះរៀបចំសន្និសីទអន្តរជាតិដ៏មានសារៈសំខាន់នេះ។
យោងតាមការបញ្ជាក់ពី ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា ជំនួបពិភាក្សានេះបានផ្ដោតសំខាន់ទៅលើចំណុចគន្លឹះចំនួនពីរ គឺការពង្រឹងទំនាក់ទំនងទ្វេភាគីរវាងកម្ពុជា-ម៉ាឡេស៊ី និងការផ្លាស់ប្តូរយោបល់លើបរិបទនៃបញ្ហាកង្វល់សកលនាពេលបច្ចុប្បន្ន។
ក្នុងជំនួបនោះ សម្ដេចតេជោ ហ៊ុន សែន បានថ្លែងអំណរគុណយ៉ាងជ្រាលជ្រៅចំពោះ ឯកឧត្តមប្រធានរដ្ឋសភាម៉ាឡេស៊ី ដែលបានចំណាយពេលដ៏មានតម្លៃអញ្ជើញមកចូលរួមក្នុងសន្និសីទប្រធានសភា នៃអន្តរសភាលើកទី២ (ISC-2) នៅរាជធានីភ្នំពេញ ដែលវត្តមាននេះបានបង្ហាញពីការគាំទ្រដល់កម្ពុជាក្នុងនាមជាម្ចាស់ផ្ទះ។
ជាការឆ្លើយតប ឯកឧត្តម Tan Sri Dato' Johari bin Abdul បានសម្ដែងនូវការកោតសរសើរយ៉ាងខ្លាំងចំពោះការអភិវឌ្ឍយ៉ាងឆាប់រហ័សរបស់ប្រទេសកម្ពុជា។ ឯកឧត្តមបានគូសបញ្ជាក់ថា ភាពរីកចម្រើនដែលកម្ពុជាសម្រេចបានសព្វថ្ងៃ គឺជាលទ្ធផលនៃការដឹកនាំដ៏ឈ្លាសវៃរបស់សម្ដេចតេជោ តាំងពីក្នុងអាណត្តិជានាយករដ្ឋមន្ត្រី រហូតមកដល់ការបន្តវេនដឹកនាំដោយជោគជ័យរបស់ សម្ដេចមហាបវធិបតី ហ៊ុន ម៉ាណែត នាយករដ្ឋមន្ត្រីបច្ចុប្បន្ន។
ប្រភព និងរូបភាព៖ ទំព័រហ្វេសប៊ុក Samdech Hun Sen of Cambodia
ប្រធានរដ្ឋសភាម៉ាឡេស៊ី បានលើកឡើងនូវចំណុចគួរឱ្យចាប់អារម្មណ៍ថា ការលះបង់របស់សម្ដេចតេជោ ហ៊ុន សែន នាពេលកន្លងមក មិនត្រឹមតែជាមូលដ្ឋានគ្រឹះសម្រាប់សន្តិភាពកម្ពុជានោះទេ ប៉ុន្តែថែមទាំងបានក្លាយជាមេរៀនប្រវត្តិសាស្ត្រដ៏មានតម្លៃសម្រាប់យុវជនជំនាន់ក្រោយរបស់ម៉ាឡេស៊ីក្នុងការសិក្សារៀនសូត្រផងដែរ។
ជាមួយគ្នានោះ ឯកឧត្តមក៏បានបង្ហាញការភ្ញាក់ផ្អើលចំពោះវឌ្ឍនភាពដ៏លើសលប់របស់កម្ពុជា ដែលលើសពីការស្មានរបស់លោកនាពេលកន្លងមក។ឯកឧត្តមប្រធានរដ្ឋសភាម៉ាឡេស៊ី បានអបអរសាទរចំពោះកម្ពុជាដែលបានរៀបចំសន្និសីទ ISC-2 នេះឡើង និងបានជូនពរឱ្យកិច្ចប្រជុំអន្តរជាតិនេះទទួលបានលទ្ធផលជាផ្លែផ្កា និងជោគជ័យយ៉ាងត្រចះត្រចង់ ដើម្បីជាប្រយោជន៍ដល់សន្តិភាព និងកិច្ចសហប្រតិបត្តិការក្នុងតំបន់។
សូមបញ្ជាក់ថា សន្និសីទប្រធានសភា នៃអន្តរសភាលើកទី២ (The 2nd Inter-Parliamentary Speakers' Conference - ISC-2) ដែលកម្ពុជាធ្វើជាម្ចាស់ផ្ទះនេះ គឺជាវេទិកាតំបន់ដ៏សំខាន់ក្នុងការជំរុញកិច្ចសន្ទនារវាងស្ថាប័ននីតិប្បញ្ញត្តិ ដើម្បីដោះស្រាយបញ្ហាប្រឈមរួម និងពង្រឹងសសរស្តម្ភសន្តិភាពក្នុងតំបន់អាស៊ី និងសកលលោក៕
រាយការណ៍ដោយ សារព័ត៌មាន The Khmer Daily Network
យោងតាមការបញ្ជាក់ពី ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា ជំនួបពិភាក្សានេះបានផ្ដោតសំខាន់ទៅលើចំណុចគន្លឹះចំនួនពីរ គឺការពង្រឹងទំនាក់ទំនងទ្វេភាគីរវាងកម្ពុជា-ម៉ាឡេស៊ី និងការផ្លាស់ប្តូរយោបល់លើបរិបទនៃបញ្ហាកង្វល់សកលនាពេលបច្ចុប្បន្ន។
ក្នុងជំនួបនោះ សម្ដេចតេជោ ហ៊ុន សែន បានថ្លែងអំណរគុណយ៉ាងជ្រាលជ្រៅចំពោះ ឯកឧត្តមប្រធានរដ្ឋសភាម៉ាឡេស៊ី ដែលបានចំណាយពេលដ៏មានតម្លៃអញ្ជើញមកចូលរួមក្នុងសន្និសីទប្រធានសភា នៃអន្តរសភាលើកទី២ (ISC-2) នៅរាជធានីភ្នំពេញ ដែលវត្តមាននេះបានបង្ហាញពីការគាំទ្រដល់កម្ពុជាក្នុងនាមជាម្ចាស់ផ្ទះ។
ជាការឆ្លើយតប ឯកឧត្តម Tan Sri Dato' Johari bin Abdul បានសម្ដែងនូវការកោតសរសើរយ៉ាងខ្លាំងចំពោះការអភិវឌ្ឍយ៉ាងឆាប់រហ័សរបស់ប្រទេសកម្ពុជា។ ឯកឧត្តមបានគូសបញ្ជាក់ថា ភាពរីកចម្រើនដែលកម្ពុជាសម្រេចបានសព្វថ្ងៃ គឺជាលទ្ធផលនៃការដឹកនាំដ៏ឈ្លាសវៃរបស់សម្ដេចតេជោ តាំងពីក្នុងអាណត្តិជានាយករដ្ឋមន្ត្រី រហូតមកដល់ការបន្តវេនដឹកនាំដោយជោគជ័យរបស់ សម្ដេចមហាបវធិបតី ហ៊ុន ម៉ាណែត នាយករដ្ឋមន្ត្រីបច្ចុប្បន្ន។
ប្រភព និងរូបភាព៖ ទំព័រហ្វេសប៊ុក Samdech Hun Sen of Cambodiaប្រធានរដ្ឋសភាម៉ាឡេស៊ី បានលើកឡើងនូវចំណុចគួរឱ្យចាប់អារម្មណ៍ថា ការលះបង់របស់សម្ដេចតេជោ ហ៊ុន សែន នាពេលកន្លងមក មិនត្រឹមតែជាមូលដ្ឋានគ្រឹះសម្រាប់សន្តិភាពកម្ពុជានោះទេ ប៉ុន្តែថែមទាំងបានក្លាយជាមេរៀនប្រវត្តិសាស្ត្រដ៏មានតម្លៃសម្រាប់យុវជនជំនាន់ក្រោយរបស់ម៉ាឡេស៊ីក្នុងការសិក្សារៀនសូត្រផងដែរ។
ជាមួយគ្នានោះ ឯកឧត្តមក៏បានបង្ហាញការភ្ញាក់ផ្អើលចំពោះវឌ្ឍនភាពដ៏លើសលប់របស់កម្ពុជា ដែលលើសពីការស្មានរបស់លោកនាពេលកន្លងមក។ឯកឧត្តមប្រធានរដ្ឋសភាម៉ាឡេស៊ី បានអបអរសាទរចំពោះកម្ពុជាដែលបានរៀបចំសន្និសីទ ISC-2 នេះឡើង និងបានជូនពរឱ្យកិច្ចប្រជុំអន្តរជាតិនេះទទួលបានលទ្ធផលជាផ្លែផ្កា និងជោគជ័យយ៉ាងត្រចះត្រចង់ ដើម្បីជាប្រយោជន៍ដល់សន្តិភាព និងកិច្ចសហប្រតិបត្តិការក្នុងតំបន់។
សូមបញ្ជាក់ថា សន្និសីទប្រធានសភា នៃអន្តរសភាលើកទី២ (The 2nd Inter-Parliamentary Speakers' Conference - ISC-2) ដែលកម្ពុជាធ្វើជាម្ចាស់ផ្ទះនេះ គឺជាវេទិកាតំបន់ដ៏សំខាន់ក្នុងការជំរុញកិច្ចសន្ទនារវាងស្ថាប័ននីតិប្បញ្ញត្តិ ដើម្បីដោះស្រាយបញ្ហាប្រឈមរួម និងពង្រឹងសសរស្តម្ភសន្តិភាពក្នុងតំបន់អាស៊ី និងសកលលោក៕
រាយការណ៍ដោយ សារព័ត៌មាន The Khmer Daily Network
