National
• 4 hours ago• Lim_Rothanaksambath
កម្ពុជា ជាប់ឆ្នោតជាអនុប្រធានការិយាល័យនៃក្រុមប្រទេសអភិវឌ្ឍន៍តិចតួចនៅអង្គការសហប្រជាជាតិ អាណត្តិឆ្នាំ ២០២៦-២០២៩
ភ្នំពេញ, ថ្ងៃទី៣ ខែកញ្ញា ឆ្នាំ២០២៦៖ កម្ពុជាសម្រេចបានសមិទ្ធផលការទូតថ្មីមួយទៀតនៅលើឆាកអន្តរជាតិ ដោយត្រូវបានអង្គប្រជុំនៃក្រុមប្រទេសអភិវឌ្ឍន៍តិចតួច (LDC) គាំទ្រឱ្យធ្វើជាអនុប្រធានការិយាល័យនៃក្រុមប្រទេសនេះ សម្រាប់អាណត្តិរយៈពេល ៣ឆ្នាំ ចាប់ពីខែកញ្ញា ឆ្នាំ២០២៦ ដល់ខែកញ្ញា ឆ្នាំ២០២៩។
ការសម្រេចនេះត្រូវបានធ្វើឡើងនៅក្នុងកិច្ចប្រជុំកម្រិតឯកអគ្គរាជ/រដ្ឋទូតនៃក្រុមប្រទេសអភិវឌ្ឍន៍តិចតួច (LDC) ដែលបានប្រព្រឹត្តទៅនៅទីស្នាក់ការកណ្តាលអង្គការសហប្រជាជាតិ នាទីក្រុងញូវយ៉ក សហរដ្ឋអាមេរិក កាលពីថ្ងៃទី២ ខែកញ្ញា ឆ្នាំ២០២៦។
ថ្លែងក្នុងឱកាសនោះ ឯកឧត្តម កែវ ឈា តំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ បានសម្តែងនូវអំណរគុណយ៉ាងជ្រាលជ្រៅចំពោះបណ្តាប្រទេសសមាជិកដែលបានផ្តល់ទំនុកចិត្ត និងបោះឆ្នោតគាំទ្រកម្ពុជាឱ្យកាន់តួនាទីដ៏សំខាន់នេះ។ ឯកឧត្តមក៏បានថ្លែងការកោតសរសើរចំពោះប្រទេសនេប៉ាល់ ដែលបានបំពេញតួនាទីជាប្រធានយ៉ាងសកម្ម និងមានប្រសិទ្ធភាពក្នុងការជំរុញផលប្រយោជន៍ និងរបៀបវារៈអាទិភាពនានារបស់ក្រុមប្រទេស LDC នាពេលកន្លងមក។
ក្នុងអាណត្តិថ្មីនេះ កម្ពុជានឹងដើរតួនាទីយ៉ាងសំខាន់ក្នុងការគាំទ្រដល់ប្រទេសហ្គាំប៊ី (Gambia) ដែលជាប្រធានថ្មីនៃការិយាល័យ។ ឯកឧត្តម កែវ ឈា បានបញ្ជាក់ថា កម្ពុជាត្រៀមខ្លួនជាស្រេចក្នុងការធ្វើការយ៉ាងជិតស្និទ្ធជាមួយសមាជិកទាំងអស់ ដើម្បីពង្រឹងសំឡេងរួមរបស់ក្រុមប្រទេស LDC លើឆាកអន្តរជាតិ បន្តជំរុញអាទិភាព និងការពារផលប្រយោជន៍រួមរបស់ប្រទេសសមាជិក និងត្រៀមរៀបចំឱ្យបានហ្មត់ចត់សម្រាប់ការត្រួតពិនិត្យពាក់កណ្តាលអាណត្តិ នៃកម្មវិធីសកម្មភាពទីក្រុងដូហា (Doha Programme of Action - DPoA) ដែលគ្រោងនឹងធ្វើឡើងនៅទីក្រុងដូហា ប្រទេសកាតា នាខែមីនា ឆ្នាំ២០២៧។
ការទទួលបានតំណែងជាអនុប្រធាននេះ បង្ហាញពីការទទួលស្គាល់របស់អន្តរជាតិចំពោះវឌ្ឍនភាព និងបទពិសោធន៍របស់កម្ពុជា ក្នុងការអភិវឌ្ឍសេដ្ឋកិច្ច និងសង្គម ទោះបីជាកម្ពុជាកំពុងស្ថិតក្នុងដំណើរការត្រៀមចាកចេញពីស្ថានភាពប្រទេសអភិវឌ្ឍន៍តិចតួច (Graduation from LDC status) ក៏ដោយ។
កម្មវិធីសកម្មភាពទីក្រុងដូហា (DPoA) គឺជាផែនទីបង្ហាញផ្លូវដ៏សំខាន់សម្រាប់រយៈពេល ១០ឆ្នាំ (២០២២-២០៣១) ដែលផ្តោតលើការងើបឡើងវិញពីវិបត្តិកូវីដ-១៩ ការលុបបំបាត់ភាពក្រីក្រ និងការសម្រេចឱ្យបាននូវគោលដៅអភិវឌ្ឍន៍ប្រកបដោយចីរភាព (SDGs) សម្រាប់បណ្តាប្រទេសដែលងាយរងគ្រោះបំផុត។
គួររំលឹកផងដែរថា ក្រុមប្រទេស LDC បច្ចុប្បន្នមានសមាជិកចំនួន ៤៥ប្រទេស ដែលសុទ្ធសឹងជាប្រទេសកំពុងជួបប្រទះការរារាំងផ្នែករចនាសម្ព័ន្ធយ៉ាងខ្លាំងចំពោះការអភិវឌ្ឍប្រកបដោយចីរភាព និងងាយរងគ្រោះដោយសារបញ្ហាសេដ្ឋកិច្ច និងបរិស្ថាន៕
រាយការណ៍ដោយ សារព័ត៌មាន The Khmer Daily Network
ការសម្រេចនេះត្រូវបានធ្វើឡើងនៅក្នុងកិច្ចប្រជុំកម្រិតឯកអគ្គរាជ/រដ្ឋទូតនៃក្រុមប្រទេសអភិវឌ្ឍន៍តិចតួច (LDC) ដែលបានប្រព្រឹត្តទៅនៅទីស្នាក់ការកណ្តាលអង្គការសហប្រជាជាតិ នាទីក្រុងញូវយ៉ក សហរដ្ឋអាមេរិក កាលពីថ្ងៃទី២ ខែកញ្ញា ឆ្នាំ២០២៦។
ថ្លែងក្នុងឱកាសនោះ ឯកឧត្តម កែវ ឈា តំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ បានសម្តែងនូវអំណរគុណយ៉ាងជ្រាលជ្រៅចំពោះបណ្តាប្រទេសសមាជិកដែលបានផ្តល់ទំនុកចិត្ត និងបោះឆ្នោតគាំទ្រកម្ពុជាឱ្យកាន់តួនាទីដ៏សំខាន់នេះ។ ឯកឧត្តមក៏បានថ្លែងការកោតសរសើរចំពោះប្រទេសនេប៉ាល់ ដែលបានបំពេញតួនាទីជាប្រធានយ៉ាងសកម្ម និងមានប្រសិទ្ធភាពក្នុងការជំរុញផលប្រយោជន៍ និងរបៀបវារៈអាទិភាពនានារបស់ក្រុមប្រទេស LDC នាពេលកន្លងមក។
ក្នុងអាណត្តិថ្មីនេះ កម្ពុជានឹងដើរតួនាទីយ៉ាងសំខាន់ក្នុងការគាំទ្រដល់ប្រទេសហ្គាំប៊ី (Gambia) ដែលជាប្រធានថ្មីនៃការិយាល័យ។ ឯកឧត្តម កែវ ឈា បានបញ្ជាក់ថា កម្ពុជាត្រៀមខ្លួនជាស្រេចក្នុងការធ្វើការយ៉ាងជិតស្និទ្ធជាមួយសមាជិកទាំងអស់ ដើម្បីពង្រឹងសំឡេងរួមរបស់ក្រុមប្រទេស LDC លើឆាកអន្តរជាតិ បន្តជំរុញអាទិភាព និងការពារផលប្រយោជន៍រួមរបស់ប្រទេសសមាជិក និងត្រៀមរៀបចំឱ្យបានហ្មត់ចត់សម្រាប់ការត្រួតពិនិត្យពាក់កណ្តាលអាណត្តិ នៃកម្មវិធីសកម្មភាពទីក្រុងដូហា (Doha Programme of Action - DPoA) ដែលគ្រោងនឹងធ្វើឡើងនៅទីក្រុងដូហា ប្រទេសកាតា នាខែមីនា ឆ្នាំ២០២៧។
ការទទួលបានតំណែងជាអនុប្រធាននេះ បង្ហាញពីការទទួលស្គាល់របស់អន្តរជាតិចំពោះវឌ្ឍនភាព និងបទពិសោធន៍របស់កម្ពុជា ក្នុងការអភិវឌ្ឍសេដ្ឋកិច្ច និងសង្គម ទោះបីជាកម្ពុជាកំពុងស្ថិតក្នុងដំណើរការត្រៀមចាកចេញពីស្ថានភាពប្រទេសអភិវឌ្ឍន៍តិចតួច (Graduation from LDC status) ក៏ដោយ។
កម្មវិធីសកម្មភាពទីក្រុងដូហា (DPoA) គឺជាផែនទីបង្ហាញផ្លូវដ៏សំខាន់សម្រាប់រយៈពេល ១០ឆ្នាំ (២០២២-២០៣១) ដែលផ្តោតលើការងើបឡើងវិញពីវិបត្តិកូវីដ-១៩ ការលុបបំបាត់ភាពក្រីក្រ និងការសម្រេចឱ្យបាននូវគោលដៅអភិវឌ្ឍន៍ប្រកបដោយចីរភាព (SDGs) សម្រាប់បណ្តាប្រទេសដែលងាយរងគ្រោះបំផុត។
គួររំលឹកផងដែរថា ក្រុមប្រទេស LDC បច្ចុប្បន្នមានសមាជិកចំនួន ៤៥ប្រទេស ដែលសុទ្ធសឹងជាប្រទេសកំពុងជួបប្រទះការរារាំងផ្នែករចនាសម្ព័ន្ធយ៉ាងខ្លាំងចំពោះការអភិវឌ្ឍប្រកបដោយចីរភាព និងងាយរងគ្រោះដោយសារបញ្ហាសេដ្ឋកិច្ច និងបរិស្ថាន៕
រាយការណ៍ដោយ សារព័ត៌មាន The Khmer Daily Network
