National
• 3 hours ago• Lim_Rothanaksambath
ក្រសួងពាណិជ្ជកម្ម បើកកិច្ចប្រជុំទី១លើសេចក្តីព្រាង «គោលនយោបាយជាតិស្តីពីដំឡូងមី ដំណាក់កាលទី២» ជំរុញការកែច្នៃ និងការនាំចេញ
ភ្នំពេញ, ថ្ងៃទី៩ ខែកញ្ញា ឆ្នាំ២០២៦៖ ក្រុមការងារបច្ចេកទេសអន្តរក្រសួង-ស្ថាប័ន បានចាប់ផ្តើមបើកកិច្ចប្រជុំលើកដំបូងរបស់ខ្លួន ដើម្បីរៀបចំសេចក្តីព្រាង «គោលនយោបាយជាតិស្តីពីដំឡូងមី ដំណាក់កាលទី២» សំដៅពង្រឹងសក្តានុពលសេដ្ឋកិច្ច ការកែច្នៃក្នុងស្រុក និងទីផ្សារនាំចេញនៃដំណាំកសិ-ឧស្សាហកម្មអាទិភាពមួយនេះ។
កិច្ចប្រជុំលេខាធិការដ្ឋានលើកទី១ នៃក្រុមការងារបច្ចេកទេសអន្តរក្រសួង-ស្ថាប័ន ត្រូវបានរៀបចំឡើងកាលពីព្រឹកថ្ងៃទី៤ ខែកញ្ញា ឆ្នាំ២០២៦ នាទីស្តីការក្រសួងពាណិជ្ជកម្ម ក្រោមអធិបតីភាព ឯកឧត្តម អ៊ុ កុសល អនុរដ្ឋលេខាធិការក្រសួងពាណិជ្ជកម្ម និងជាប្រធានលេខាធិការដ្ឋាន។ កិច្ចប្រជុំនេះ មានការចូលរួមពីថ្នាក់ដឹកនាំ មន្ត្រីបច្ចេកទេស និងតំណាងដៃគូអភិវឌ្ឍន៍អន្តរជាតិសំខាន់ៗ រួមមាន កម្មវិធីអភិវឌ្ឍន៍សហប្រជាជាតិ (UNDP), អង្គការ FAO, UNIDO, HEKS និង CIRD។
កិច្ចប្រជុំបានផ្តោតលើការពិនិត្យ ពិភាក្សា និងប្រមូលមតិយោបល់លើចំណុចយុទ្ធសាស្ត្រសំខាន់ៗ គឺ ដំណើរការរៀបចំសេចក្តីព្រាង៖ ការកំណត់ទិសដៅ ការសម្របសម្រួល និងជំហានបច្ចេកទេសក្នុងការតាក់តែងគោលនយោបាយជាតិដំណាក់កាលថ្មី។ វិធីសាស្ត្រស្រាវជ្រាវ និងក្របខ័ណ្ឌពេលវេលា៖ ការកំណត់វិធីសាស្ត្រសិក្សាស្រាវជ្រាវប្រកបដោយសុក្រឹតភាព ព្រមទាំងការកំណត់ក្របខ័ណ្ឌពេលវេលាច្បាស់លាស់ដើម្បីរៀបចំគោលនយោបាយនេះឱ្យបានសម្រេចតាមផែនការ។
ដំណើរការរៀបចំសេចក្តីព្រាងគោលនយោបាយជាតិស្តីពីដំឡូងមី ដំណាក់កាលទី២ ដឹកនាំដោយក្រសួងពាណិជ្ជកម្ម ដោយមានការចូលរួមយ៉ាងសកម្មពីសំណាក់អន្តរក្រសួង-ស្ថាប័ន និងភាគីពាក់ព័ន្ធ ព្រមទាំងទទួលបានការគាំទ្រផ្នែកបច្ចេកទេសផ្ទាល់ពី UNDP Cambodia។
សូមជម្រាបថា ដំឡូងមី គឺជាដំណាំកសិ-ឧស្សាហកម្មសំខាន់បំផុតទី២ នៅកម្ពុជា បន្ទាប់ពីស្រូវ-អង្ករ ដោយបានរួមចំណែកយ៉ាងសំខាន់ដល់ផលទុនសរុបក្នុងស្រុក (GDP) តាមរយៈការបង្កើតការងារ ការបង្កើនប្រាក់ចំណូលជូនកសិករ និងការនាំចេញកសិផលទៅកាន់ទីផ្សារអន្តរជាតិ ដូចជា ប្រទេសថៃ វៀតណាម និងចិន ជាដើម។
ប្រភព និងរូបភាព៖ ទំព័រហ្វេសប៊ុក ក្រសួងពាណិជ្ជកម្ម Ministry of Commerce
គោលនយោបាយជាតិស្តីពីដំឡូងមី ដំណាក់កាលទី១ (២០២០-២០២៥) បានដាក់ចេញនូវចក្ខុវិស័យប្រែក្លាយកម្ពុជាឱ្យទៅជា «ទីតាំងកែច្នៃ និងផ្គត់ផ្គង់ផលិតផលដំឡូងមីដ៏ជឿទុកចិត្ត»។ ការរៀបចំដំណាក់កាលទី២នេះ គឺជាការបន្តពង្រឹង និងពង្រីកខ្សែច្រវាក់តម្លៃ ជំរុញការកែច្នៃបន្ថែមតម្លៃ (Value-Added Processing) ឆ្លើយតបនឹងការប្រែប្រួលអាកាសធាតុ និងការបើកច្រកទីផ្សារនាំចេញថ្មីៗបន្ថែមទៀត៕
រាយការណ៍ដោយ សារព័ត៌មាន The Khmer Daily Network
កិច្ចប្រជុំលេខាធិការដ្ឋានលើកទី១ នៃក្រុមការងារបច្ចេកទេសអន្តរក្រសួង-ស្ថាប័ន ត្រូវបានរៀបចំឡើងកាលពីព្រឹកថ្ងៃទី៤ ខែកញ្ញា ឆ្នាំ២០២៦ នាទីស្តីការក្រសួងពាណិជ្ជកម្ម ក្រោមអធិបតីភាព ឯកឧត្តម អ៊ុ កុសល អនុរដ្ឋលេខាធិការក្រសួងពាណិជ្ជកម្ម និងជាប្រធានលេខាធិការដ្ឋាន។ កិច្ចប្រជុំនេះ មានការចូលរួមពីថ្នាក់ដឹកនាំ មន្ត្រីបច្ចេកទេស និងតំណាងដៃគូអភិវឌ្ឍន៍អន្តរជាតិសំខាន់ៗ រួមមាន កម្មវិធីអភិវឌ្ឍន៍សហប្រជាជាតិ (UNDP), អង្គការ FAO, UNIDO, HEKS និង CIRD។
កិច្ចប្រជុំបានផ្តោតលើការពិនិត្យ ពិភាក្សា និងប្រមូលមតិយោបល់លើចំណុចយុទ្ធសាស្ត្រសំខាន់ៗ គឺ ដំណើរការរៀបចំសេចក្តីព្រាង៖ ការកំណត់ទិសដៅ ការសម្របសម្រួល និងជំហានបច្ចេកទេសក្នុងការតាក់តែងគោលនយោបាយជាតិដំណាក់កាលថ្មី។ វិធីសាស្ត្រស្រាវជ្រាវ និងក្របខ័ណ្ឌពេលវេលា៖ ការកំណត់វិធីសាស្ត្រសិក្សាស្រាវជ្រាវប្រកបដោយសុក្រឹតភាព ព្រមទាំងការកំណត់ក្របខ័ណ្ឌពេលវេលាច្បាស់លាស់ដើម្បីរៀបចំគោលនយោបាយនេះឱ្យបានសម្រេចតាមផែនការ។
ដំណើរការរៀបចំសេចក្តីព្រាងគោលនយោបាយជាតិស្តីពីដំឡូងមី ដំណាក់កាលទី២ ដឹកនាំដោយក្រសួងពាណិជ្ជកម្ម ដោយមានការចូលរួមយ៉ាងសកម្មពីសំណាក់អន្តរក្រសួង-ស្ថាប័ន និងភាគីពាក់ព័ន្ធ ព្រមទាំងទទួលបានការគាំទ្រផ្នែកបច្ចេកទេសផ្ទាល់ពី UNDP Cambodia។
សូមជម្រាបថា ដំឡូងមី គឺជាដំណាំកសិ-ឧស្សាហកម្មសំខាន់បំផុតទី២ នៅកម្ពុជា បន្ទាប់ពីស្រូវ-អង្ករ ដោយបានរួមចំណែកយ៉ាងសំខាន់ដល់ផលទុនសរុបក្នុងស្រុក (GDP) តាមរយៈការបង្កើតការងារ ការបង្កើនប្រាក់ចំណូលជូនកសិករ និងការនាំចេញកសិផលទៅកាន់ទីផ្សារអន្តរជាតិ ដូចជា ប្រទេសថៃ វៀតណាម និងចិន ជាដើម។
ប្រភព និងរូបភាព៖ ទំព័រហ្វេសប៊ុក ក្រសួងពាណិជ្ជកម្ម Ministry of Commerceគោលនយោបាយជាតិស្តីពីដំឡូងមី ដំណាក់កាលទី១ (២០២០-២០២៥) បានដាក់ចេញនូវចក្ខុវិស័យប្រែក្លាយកម្ពុជាឱ្យទៅជា «ទីតាំងកែច្នៃ និងផ្គត់ផ្គង់ផលិតផលដំឡូងមីដ៏ជឿទុកចិត្ត»។ ការរៀបចំដំណាក់កាលទី២នេះ គឺជាការបន្តពង្រឹង និងពង្រីកខ្សែច្រវាក់តម្លៃ ជំរុញការកែច្នៃបន្ថែមតម្លៃ (Value-Added Processing) ឆ្លើយតបនឹងការប្រែប្រួលអាកាសធាតុ និងការបើកច្រកទីផ្សារនាំចេញថ្មីៗបន្ថែមទៀត៕
រាយការណ៍ដោយ សារព័ត៌មាន The Khmer Daily Network
