Culture
• 59 minutes ago• Lim_Rothanaksambath
ក្រសួងវប្បធម៌ នឹងរៀបចំសិក្ខាសាលាតម្រង់ទិសស្តីពី «ស្បៃខ្មែរ» លើកកម្ពស់ការប្រើប្រាស់ឱ្យត្រឹមត្រូវតាមប្រពៃណី និងអាពាហ៍ពិពាហ៍
ភ្នំពេញ, ថ្ងៃទី១០ ខែកញ្ញា ឆ្នាំ២០២៦៖ ក្រសួងវប្បធម៌ និងវិចិត្រសិល្បៈ បានចេញសេចក្តីជូនដំណឹងជាផ្លូវការថានឹងរៀបចំ សិក្ខាសាលាតម្រង់ទិស ស្តីពី «ស្បៃខ្មែរ និងរបៀបប្រើប្រាស់ក្នុងទំនៀមទម្លាប់ប្រពៃណី និងអាពាហ៍ពិពាហ៍ខ្មែរ» នៅដើមខែតុលា ឆ្នាំ២០២៦ ខាងមុខនេះ។ ព្រឹត្តិការណ៍នេះធ្វើឡើងក្នុងគោលបំណងបញ្ជ្រាបការយល់ដឹងឱ្យកាន់តែស៊ីជម្រៅ និងតម្រង់ទិសដល់ភាគីពាក់ព័ន្ធ ក្នុងការថែរក្សា អភិរក្ស និងលើកតម្កើងអត្តសញ្ញាណវប្បធម៌ជាតិឱ្យបានត្រឹមត្រូវ និងថ្លៃថ្នូរ។
យោងតាមសេចក្តីជូនដំណឹងរបស់ក្រសួងវប្បធម៌ និងវិចិត្រសិល្បៈ សិក្ខាសាលានេះនឹងប្រព្រឹត្តទៅថ្ងៃទី៦ ខែតុលា ឆ្នាំ២០២៦ វេលាម៉ោង ១:០០ នាទីរសៀល នៅសាលអង្គរវត្ត ទីស្តីការក្រសួងវប្បធម៌ និងវិចិត្រសិល្បៈ។ សាធារណជនទូទៅ អ្នកប្រកបមុខរបរសម្អាងការ អ្នកច្នៃម៉ូតសម្លៀកបំពាក់ អ្នកផលិតមាតិកា (Content Creators) ព្រមទាំងអ្នកប្រកបមុខរបរពាក់ព័ន្ធ និងប្រហាក់ប្រហែល ដែលមានបំណងចូលរួម អាចចុះឈ្មោះតាមរយៈការស្កេន QR Code ដែលមានភ្ជាប់ក្នុងសេចក្តីជូនដំណឹង ដោយត្រូវបញ្ចប់ការចុះឈ្មោះឱ្យបាន មុនថ្ងៃទី៣០ ខែកញ្ញា ឆ្នាំ២០២៦ វេលាម៉ោង ១៨:០០ នាទី។
ក្រសួងវប្បធម៌ និងវិចិត្រសិល្បៈ បានគូសបញ្ជាក់ថា សិក្ខាសាលាតម្រង់ទិសនេះ រៀបចំឡើងក្នុងគោលបំណងចម្បងក្នុងការ បញ្ជ្រាបការយល់ដឹងអំពីស្បៃខ្មែរ និងរបៀបប្រើប្រាស់ឱ្យបានត្រឹមត្រូវ នៅក្នុងទម្រង់ទំនៀមទម្លាប់ប្រពៃណីដ៏ល្អផូរផង់ និងប្រកបដោយសេចក្តីថ្លៃថ្នូររបស់ដូនតាខ្មែរ ជាពិសេសការប្រើប្រាស់ក្នុងពិធីអាពាហ៍ពិពាហ៍ខ្មែរ ដែលជាអត្តសញ្ញាណជាតិដ៏ឧត្តុង្គឧត្តម។
ទន្ទឹមនឹងនេះ ក្រសួងបានអំពាវនាវដល់ប្រជាពលរដ្ឋ ជាពិសេសអ្នកប្រកបអាជីវកម្មសម្អាងការ និងអ្នកច្នៃម៉ូត ត្រូវរួមគ្នាលើកតម្កើង ថែរក្សា អភិរក្ស និងផ្សព្វផ្សាយអំពីទម្រង់ដើមនៃស្បៃខ្មែរឱ្យបានទូលំទូលាយ។ ក្រសួងក៏បានសម្តែងនូវការអរគុណយ៉ាងជ្រាលជ្រៅចំពោះទឹកចិត្តស្រឡាញ់ និងការចូលរួមការពារមរតកវប្បធម៌ពីសំណាក់សាធារណជនគ្រប់ទិសទី។
ប្រភព និងរូបភាព៖ ទំព័រហ្វេសប៊ុក ក្រសួងវប្បធម៌ និងវិចិត្រសិល្ប: និង សមាគមសិល្បករខ្មែរ Khmer Artists Association
«ស្បៃ» គឺជាធាតុផ្សំ និងជាសម្លៀកបំពាក់ដ៏សំខាន់មួយក្នុងការតុបតែងកាយរបស់ស្ត្រីខ្មែរតាំងពីបុរាណកាលមក ដោយប្រើប្រាស់សម្រាប់ពានាលើឈុតសម្លៀកបំពាក់ប្រពៃណី និងឈុតអាពាហ៍ពិពាហ៍។
ការប្រើប្រាស់ស្បៃក្នុងពិធីអាពាហ៍ពិពាហ៍ ជាពិសេសកិច្ច «ព្រះថោងតោងស្បៃ» មានប្រវត្តិផ្សារភ្ជាប់យ៉ាងជិតស្និទ្ធទៅនឹងរឿងព្រេង និងអរិយធម៌ខ្មែរតាំងពីសម័យហ្វូណន (នគរភ្នំ) ដោយប្រជាជនខ្មែរបានរក្សាទុក និងគោរពអនុវត្តគ្រប់ៗជំនាន់រហូតមកទល់បច្ចុប្បន្ន។
ក្នុងសម័យកាលទំនើប ការច្នៃម៉ូតសម្លៀកបំពាក់អាពាហ៍ពិពាហ៍ និងការប្រើប្រាស់ស្បៃពេលខ្លះមានការប្រែប្រួល ឬខុសឆ្គងពីទម្រង់ដើម ដោយសារតែការច្នៃប្រឌិតហួសព្រំដែន ឬខ្វះការយល់ដឹងអំពីប្រភពដើម។ ហេតុនេះ ការរៀបចំសិក្ខាសាលាតម្រង់ទិសដោយក្រសួងវប្បធម៌ គឺជាចំណាត់ការដ៏ចាំបាច់ និងទាន់ពេលវេលា ដើម្បីកែតម្រូវ និងកំណត់ស្តង់ដាររួមមួយ ដែលធានាបានទាំងភាពស្រស់ស្អាត ភាពច្នៃប្រឌិត និងការរក្សាបាននូវព្រលឹងវប្បធម៌ដើមរបស់ជាតិ៕
រាយការណ៍ដោយ សារព័ត៌មាន The Khmer Daily Network
យោងតាមសេចក្តីជូនដំណឹងរបស់ក្រសួងវប្បធម៌ និងវិចិត្រសិល្បៈ សិក្ខាសាលានេះនឹងប្រព្រឹត្តទៅថ្ងៃទី៦ ខែតុលា ឆ្នាំ២០២៦ វេលាម៉ោង ១:០០ នាទីរសៀល នៅសាលអង្គរវត្ត ទីស្តីការក្រសួងវប្បធម៌ និងវិចិត្រសិល្បៈ។ សាធារណជនទូទៅ អ្នកប្រកបមុខរបរសម្អាងការ អ្នកច្នៃម៉ូតសម្លៀកបំពាក់ អ្នកផលិតមាតិកា (Content Creators) ព្រមទាំងអ្នកប្រកបមុខរបរពាក់ព័ន្ធ និងប្រហាក់ប្រហែល ដែលមានបំណងចូលរួម អាចចុះឈ្មោះតាមរយៈការស្កេន QR Code ដែលមានភ្ជាប់ក្នុងសេចក្តីជូនដំណឹង ដោយត្រូវបញ្ចប់ការចុះឈ្មោះឱ្យបាន មុនថ្ងៃទី៣០ ខែកញ្ញា ឆ្នាំ២០២៦ វេលាម៉ោង ១៨:០០ នាទី។
ក្រសួងវប្បធម៌ និងវិចិត្រសិល្បៈ បានគូសបញ្ជាក់ថា សិក្ខាសាលាតម្រង់ទិសនេះ រៀបចំឡើងក្នុងគោលបំណងចម្បងក្នុងការ បញ្ជ្រាបការយល់ដឹងអំពីស្បៃខ្មែរ និងរបៀបប្រើប្រាស់ឱ្យបានត្រឹមត្រូវ នៅក្នុងទម្រង់ទំនៀមទម្លាប់ប្រពៃណីដ៏ល្អផូរផង់ និងប្រកបដោយសេចក្តីថ្លៃថ្នូររបស់ដូនតាខ្មែរ ជាពិសេសការប្រើប្រាស់ក្នុងពិធីអាពាហ៍ពិពាហ៍ខ្មែរ ដែលជាអត្តសញ្ញាណជាតិដ៏ឧត្តុង្គឧត្តម។
ទន្ទឹមនឹងនេះ ក្រសួងបានអំពាវនាវដល់ប្រជាពលរដ្ឋ ជាពិសេសអ្នកប្រកបអាជីវកម្មសម្អាងការ និងអ្នកច្នៃម៉ូត ត្រូវរួមគ្នាលើកតម្កើង ថែរក្សា អភិរក្ស និងផ្សព្វផ្សាយអំពីទម្រង់ដើមនៃស្បៃខ្មែរឱ្យបានទូលំទូលាយ។ ក្រសួងក៏បានសម្តែងនូវការអរគុណយ៉ាងជ្រាលជ្រៅចំពោះទឹកចិត្តស្រឡាញ់ និងការចូលរួមការពារមរតកវប្បធម៌ពីសំណាក់សាធារណជនគ្រប់ទិសទី។
ប្រភព និងរូបភាព៖ ទំព័រហ្វេសប៊ុក ក្រសួងវប្បធម៌ និងវិចិត្រសិល្ប: និង សមាគមសិល្បករខ្មែរ Khmer Artists Association«ស្បៃ» គឺជាធាតុផ្សំ និងជាសម្លៀកបំពាក់ដ៏សំខាន់មួយក្នុងការតុបតែងកាយរបស់ស្ត្រីខ្មែរតាំងពីបុរាណកាលមក ដោយប្រើប្រាស់សម្រាប់ពានាលើឈុតសម្លៀកបំពាក់ប្រពៃណី និងឈុតអាពាហ៍ពិពាហ៍។
ការប្រើប្រាស់ស្បៃក្នុងពិធីអាពាហ៍ពិពាហ៍ ជាពិសេសកិច្ច «ព្រះថោងតោងស្បៃ» មានប្រវត្តិផ្សារភ្ជាប់យ៉ាងជិតស្និទ្ធទៅនឹងរឿងព្រេង និងអរិយធម៌ខ្មែរតាំងពីសម័យហ្វូណន (នគរភ្នំ) ដោយប្រជាជនខ្មែរបានរក្សាទុក និងគោរពអនុវត្តគ្រប់ៗជំនាន់រហូតមកទល់បច្ចុប្បន្ន។
ក្នុងសម័យកាលទំនើប ការច្នៃម៉ូតសម្លៀកបំពាក់អាពាហ៍ពិពាហ៍ និងការប្រើប្រាស់ស្បៃពេលខ្លះមានការប្រែប្រួល ឬខុសឆ្គងពីទម្រង់ដើម ដោយសារតែការច្នៃប្រឌិតហួសព្រំដែន ឬខ្វះការយល់ដឹងអំពីប្រភពដើម។ ហេតុនេះ ការរៀបចំសិក្ខាសាលាតម្រង់ទិសដោយក្រសួងវប្បធម៌ គឺជាចំណាត់ការដ៏ចាំបាច់ និងទាន់ពេលវេលា ដើម្បីកែតម្រូវ និងកំណត់ស្តង់ដាររួមមួយ ដែលធានាបានទាំងភាពស្រស់ស្អាត ភាពច្នៃប្រឌិត និងការរក្សាបាននូវព្រលឹងវប្បធម៌ដើមរបស់ជាតិ៕
រាយការណ៍ដោយ សារព័ត៌មាន The Khmer Daily Network
