National
• 2 hours ago• Lim_Rothanaksambath
ក្រសួងកសិកម្ម ប្រជុំពិគ្រោះយោបល់សំណើប្រព័ន្ធកសិកម្មចម្រុះផ្អែកលើដំណាំស្រូវសម្រាប់ជីវភាពជនបទប្រកបដោយភាពធន់នឹងអាកាសធាតុ
ភ្នំពេញ, ថ្ងៃទី១១ ខែកញ្ញា ឆ្នាំ២០២៦៖ ក្រសួងកសិកម្ម រុក្ខាប្រមាញ់ និងនេសាទ បានរៀបចំកិច្ចប្រជុំពិគ្រោះយោបល់ថ្នាក់ជាតិ ដើម្បីកែសម្រួល និងប្រមូលធាតុចូលលើសំណើគម្រោង «ប្រព័ន្ធកសិកម្មចម្រុះផ្អែកលើដំណាំស្រូវសម្រាប់ជីវភាពជនបទប្រកបដោយភាពធន់នឹងអាកាសធាតុ (RICE+)» សំដៅរៀបចំឯកសារដាក់ស្នើសុំហិរញ្ញប្បទានពី «កម្មវិធីសន្តិសុខស្បៀង និងកសិកម្មពិភពលោក (GAFSP)»។
កិច្ចប្រជុំនេះបានប្រព្រឹត្តទៅកាលពីថ្ងៃទី១០ ខែកញ្ញា ឆ្នាំ២០២៦ នៅទីស្តីការក្រសួងកសិកម្ម ក្រោមអធិបតីភាព ឯកឧត្តមបណ្ឌិត ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដោយមានការចូលរួមពីតំណាង ឯកឧត្តម អាន ពេជ្រហត្ថដា រដ្ឋលេខាធិការក្រសួងធនធានទឹក និងឧតុនិយម និងជាសហប្រធានក្រុមការងារបច្ចេកទេសចម្រុះស្តីពីកសិកម្ម និងទឹក (TWG-AW) ព្រមទាំងតំណាងក្រសួង-ស្ថាប័នពាក់ព័ន្ធ ដៃគូអភិវឌ្ឍន៍ អង្គការមិនមែនរដ្ឋាភិបាល និងវិស័យឯកជន សរុបចំនួន ៨៣រូប។
គម្រោង RICE+ គឺជាកិច្ចសហការរវាងក្រសួងកសិកម្ម រុក្ខាប្រមាញ់ និងនេសាទ និងក្រសួងសេដ្ឋកិច្ច និងហិរញ្ញវត្ថុ ដោយមានការគាំទ្របច្ចេកទេស និងហិរញ្ញប្បទានពី មូលនិធិអន្តរជាតិដើម្បីអភិវឌ្ឍន៍កសិកម្ម (IFAD) និងអង្គការស្បៀងអាហារ និងកសិកម្ម (FAO)។ គម្រោងនេះមានគោលដៅយុទ្ធសាស្ត្រក្នុងការប្រែក្លាយតំបន់ស្រូវប្រាំង និងតំបន់ពឹងផ្អែកលើទឹកភ្លៀង ឱ្យទៅជាប្រព័ន្ធផលិតកម្មចម្រុះ ធន់នឹងការប្រែប្រួលអាកាសធាតុ និងតម្រង់ទិសឆ្ពោះទៅកាន់ទីផ្សារ ដោយប្រើប្រាស់ «សហគមន៍កសិកម្មទំនើប (Modern Agricultural Communities - MACs)» ជាយន្តការស្នូលក្នុងការអនុវត្ត។
ប្រភព និងរូបភាព៖ ទំព័រហ្វេសប៊ុក ក្រសួងកសិកម្ម រុក្ខាប្រមាញ់ និងនេសាទ
នៅក្នុងអង្គប្រជុំ ភាគីពាក់ព័ន្ធទាំងអស់បានពិភាក្សា និងផ្តល់ធាតុចូលយ៉ាងល្អិតល្អន់លើសមាសធាតុយុទ្ធសាស្ត្រទាំង៥ នៃគម្រោង RICE+ គឺ ការពង្រឹងសហគមន៍កសិកម្មទំនើប (MACs) និងសម្ព័ន្ធសហគមន៍កសិកម្មទំនើប ធ្វើយ៉ាងណាដើម្បីកសាងសមត្ថភាពគ្រប់គ្រង និងទុនបង្វិលរបស់កសិករ។ ការប្រែក្លាយតំបន់ផលិតស្រូវឱ្យធន់នឹងអាកាសធាតុ គឺជាការដាំដុះចម្រុះ និងការប្រើប្រាស់ប្រព័ន្ធស្រោចស្រពឆ្លាតវៃ។ ការពង្រឹងលទ្ធភាពទទួលបានហិរញ្ញប្បទាន និងការគ្រប់គ្រងហានិភ័យ ដោយបង្កើតប្រភពទុនងាយស្រួល និងយន្តការធានារ៉ាប់រងកសិកម្ម។ ការតភ្ជាប់ទីផ្សារ និងការបង្កើតតម្លៃបន្ថែម គឺការភ្ជាប់កសិករទៅកាន់អ្នកទិញ និងការកែច្នៃកសិផល និងការពង្រឹងបរិយាកាសអំណោយផល និងកសាងសមត្ថភាពស្ថាប័ន សំដៅដល់ការគាំទ្រផ្នែកគោលនយោបាយ និងបច្ចេកទេស។
លទ្ធផល និងធាតុចូលដែលទទួលបានពីកិច្ចប្រជុំពិគ្រោះយោបល់នេះ នឹងត្រូវយកទៅរួបរួមគ្នាក្នុងការកែលម្អសំណើគម្រោង RICE+ ឱ្យមានភាពគ្រប់ជ្រុងជ្រោយ ដើម្បីឆ្លើយតបទៅនឹង «យុទ្ធសាស្ត្របញ្ចកោណ ដំណាក់កាលទី១» របស់រាជរដ្ឋាភិបាលកម្ពុជា និងកម្មវិធីគោលនយោបាយអាទិភាពរបស់ក្រសួងកសិកម្ម សំដៅលើកកម្ពស់ជីវភាពកសិករខ្នាតតូចឱ្យមានស្ថិរភាព និងនិរន្តរភាព៕
រាយការណ៍ដោយ សារព័ត៌មាន The Khmer Daily Network
កិច្ចប្រជុំនេះបានប្រព្រឹត្តទៅកាលពីថ្ងៃទី១០ ខែកញ្ញា ឆ្នាំ២០២៦ នៅទីស្តីការក្រសួងកសិកម្ម ក្រោមអធិបតីភាព ឯកឧត្តមបណ្ឌិត ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដោយមានការចូលរួមពីតំណាង ឯកឧត្តម អាន ពេជ្រហត្ថដា រដ្ឋលេខាធិការក្រសួងធនធានទឹក និងឧតុនិយម និងជាសហប្រធានក្រុមការងារបច្ចេកទេសចម្រុះស្តីពីកសិកម្ម និងទឹក (TWG-AW) ព្រមទាំងតំណាងក្រសួង-ស្ថាប័នពាក់ព័ន្ធ ដៃគូអភិវឌ្ឍន៍ អង្គការមិនមែនរដ្ឋាភិបាល និងវិស័យឯកជន សរុបចំនួន ៨៣រូប។
គម្រោង RICE+ គឺជាកិច្ចសហការរវាងក្រសួងកសិកម្ម រុក្ខាប្រមាញ់ និងនេសាទ និងក្រសួងសេដ្ឋកិច្ច និងហិរញ្ញវត្ថុ ដោយមានការគាំទ្របច្ចេកទេស និងហិរញ្ញប្បទានពី មូលនិធិអន្តរជាតិដើម្បីអភិវឌ្ឍន៍កសិកម្ម (IFAD) និងអង្គការស្បៀងអាហារ និងកសិកម្ម (FAO)។ គម្រោងនេះមានគោលដៅយុទ្ធសាស្ត្រក្នុងការប្រែក្លាយតំបន់ស្រូវប្រាំង និងតំបន់ពឹងផ្អែកលើទឹកភ្លៀង ឱ្យទៅជាប្រព័ន្ធផលិតកម្មចម្រុះ ធន់នឹងការប្រែប្រួលអាកាសធាតុ និងតម្រង់ទិសឆ្ពោះទៅកាន់ទីផ្សារ ដោយប្រើប្រាស់ «សហគមន៍កសិកម្មទំនើប (Modern Agricultural Communities - MACs)» ជាយន្តការស្នូលក្នុងការអនុវត្ត។
ប្រភព និងរូបភាព៖ ទំព័រហ្វេសប៊ុក ក្រសួងកសិកម្ម រុក្ខាប្រមាញ់ និងនេសាទនៅក្នុងអង្គប្រជុំ ភាគីពាក់ព័ន្ធទាំងអស់បានពិភាក្សា និងផ្តល់ធាតុចូលយ៉ាងល្អិតល្អន់លើសមាសធាតុយុទ្ធសាស្ត្រទាំង៥ នៃគម្រោង RICE+ គឺ ការពង្រឹងសហគមន៍កសិកម្មទំនើប (MACs) និងសម្ព័ន្ធសហគមន៍កសិកម្មទំនើប ធ្វើយ៉ាងណាដើម្បីកសាងសមត្ថភាពគ្រប់គ្រង និងទុនបង្វិលរបស់កសិករ។ ការប្រែក្លាយតំបន់ផលិតស្រូវឱ្យធន់នឹងអាកាសធាតុ គឺជាការដាំដុះចម្រុះ និងការប្រើប្រាស់ប្រព័ន្ធស្រោចស្រពឆ្លាតវៃ។ ការពង្រឹងលទ្ធភាពទទួលបានហិរញ្ញប្បទាន និងការគ្រប់គ្រងហានិភ័យ ដោយបង្កើតប្រភពទុនងាយស្រួល និងយន្តការធានារ៉ាប់រងកសិកម្ម។ ការតភ្ជាប់ទីផ្សារ និងការបង្កើតតម្លៃបន្ថែម គឺការភ្ជាប់កសិករទៅកាន់អ្នកទិញ និងការកែច្នៃកសិផល និងការពង្រឹងបរិយាកាសអំណោយផល និងកសាងសមត្ថភាពស្ថាប័ន សំដៅដល់ការគាំទ្រផ្នែកគោលនយោបាយ និងបច្ចេកទេស។
លទ្ធផល និងធាតុចូលដែលទទួលបានពីកិច្ចប្រជុំពិគ្រោះយោបល់នេះ នឹងត្រូវយកទៅរួបរួមគ្នាក្នុងការកែលម្អសំណើគម្រោង RICE+ ឱ្យមានភាពគ្រប់ជ្រុងជ្រោយ ដើម្បីឆ្លើយតបទៅនឹង «យុទ្ធសាស្ត្របញ្ចកោណ ដំណាក់កាលទី១» របស់រាជរដ្ឋាភិបាលកម្ពុជា និងកម្មវិធីគោលនយោបាយអាទិភាពរបស់ក្រសួងកសិកម្ម សំដៅលើកកម្ពស់ជីវភាពកសិករខ្នាតតូចឱ្យមានស្ថិរភាព និងនិរន្តរភាព៕
រាយការណ៍ដោយ សារព័ត៌មាន The Khmer Daily Network
