National
• 1 hour ago• Lim_Rothanaksambath
មន្ទីរពេទ្យ ហ្លួង ម៉ែ សម្ពោធដាក់ឱ្យប្រើប្រាស់ជាផ្លូវការ ជាមន្ទីរពេទ្យថ្នាក់ជាតិឯកទេសព្យាបាលជំងឺមហារីក
ភ្នំពេញ, ថ្ងៃទី១៦ ខែកញ្ញា ឆ្នាំ២០២៦៖ នៅព្រឹកថ្ងៃទី១៦ ខែកញ្ញា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធដាក់ឱ្យប្រើប្រាស់ជាផ្លូវការនូវ «មន្ទីរពេទ្យ ហ្លួង ម៉ែ» ដែលជាមន្ទីរពេទ្យថ្នាក់ជាតិ ឯកទេសពិនិត្យ និងព្យាបាលជំងឺមហារីក ស្ថិតក្នុងសង្កាត់ព្រៃស ខណ្ឌដង្កោ រាជធានីភ្នំពេញ។
ដើមឡើយ មន្ទីរពេទ្យនេះជាអតីត «មន្ទីរពេទ្យស្ត្រី នគរទេព» ដែលត្រូវបានបង្កើត និងដាក់ឱ្យប្រើប្រាស់កាលពីថ្ងៃទី៥ ខែវិច្ឆិកា ឆ្នាំ២០១៩ ក្រោមគំនិតផ្តួចផ្តើមរបស់លោកស្រី ជេននី រីតស្កេស (Janne Ritskes) និងលោកជំទាវកិត្តិបណ្ឌិត អ៊ឹង កន្ថាផាវី ដើម្បីផ្តោតលើការពិនិត្យ និងព្យាបាលជំងឺរោគស្ត្រី។
ក្នុងអំឡុងពេលនៃការរីករាលដាលជំងឺកូវីដ-១៩ រាជរដ្ឋាភិបាលកម្ពុជាបានទិញមន្ទីរពេទ្យនេះ សម្រាប់ប្រើប្រាស់ជាទីតាំងសង្គ្រោះ និងព្យាបាលអ្នកជំងឺកូវីដ-១៩ កម្រិតមធ្យម និងធ្ងន់ ដោយបានប្តូរឈ្មោះទៅជា «មន្ទីរពេទ្យ ហ្លួង ម៉ែ» នៅឆ្នាំ២០២១។
ក្រោយបញ្ចប់វិបត្តិកូវីដ-១៩ ក្រោមគំនិតផ្តួចផ្តើមរបស់សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី រាជរដ្ឋាភិបាលបានកែប្រែ និងអភិវឌ្ឍមន្ទីរពេទ្យនេះឱ្យក្លាយជា «មន្ទីរពេទ្យថ្នាក់ជាតិ ឯកទេសព្យាបាលជំងឺមហារីក» ដោយបានជួសជុល កែលម្អហេដ្ឋារចនាសម្ព័ន្ធ និងបំពាក់ឧបករណ៍វេជ្ជសាស្ត្រទំនើបៗ។
ប្រភព និងរូបភាព៖ ទំព័រហ្វេសប៊ុក Samdech Thipadei Hun Manet, Prime Minister of Cambodia
មន្ទីរពេទ្យបានបំពាក់នូវឧបករណ៍វេជ្ជសាស្ត្រទំនើបៗជាច្រើន រួមមាន ម៉ាស៊ីនបាញ់កាំរស្មី Linac, CT-Scan, MRI, Brachytherapy, Mammography, Angiography និងឧបករណ៍ធ្វើរោគវិនិច្ឆ័យស្មុគស្មាញផ្សេងៗទៀត។
គិតត្រឹមថ្ងៃទី៣១ ខែកក្កដា ឆ្នាំ២០២៦ មន្ទីរពេទ្យ ហ្លួង ម៉ែ សម្រេចបាននូវលទ្ធផលសំខាន់ៗដូចជា៖ ផ្តល់សេវាពិគ្រោះជំងឺក្រៅបានជាង ២៣ម៉ឺននាក់ និងអ្នកជំងឺសម្រាកព្យាបាលក្នុងមន្ទីរពេទ្យជាង ២ម៉ឺននាក់, ពិនិត្យរកឃើញអ្នកជំងឺមហារីកថ្មីចំនួន ៣,៤២០ នាក់, ផ្តល់ការចាក់វ៉ាក់សាំងការពារមហារីកមាត់ស្បូនបានជាង ៥ពាន់ដូស និងផ្តល់ការពិនិត្យស្វែងរកជំងឺមហារីកមាត់ស្បូនដោយឥតគិតថ្លៃបានជាង ១០ម៉ឺនករណី។
មន្ទីរពេទ្យ ហ្លួង ម៉ែ កំពុងក្លាយជាមជ្ឈមណ្ឌលសុខាភិបាលឯកទេសដ៏សំខាន់របស់កម្ពុជា ក្នុងការពិនិត្យ ធ្វើរោគវិនិច្ឆ័យ វះកាត់ និងព្យាបាលជំងឺមហារីក។ សម្តេចធិបតី ហ៊ុន ម៉ាណែត បានគូសបញ្ជាក់ថា មន្ទីរពេទ្យនេះជាមន្ទីរពេទ្យរបស់ប្រជាពលរដ្ឋខ្មែរគ្រប់រូប ដោយការផ្តល់សេវាមានតម្លៃសមរម្យ ព្រមទាំងអនុញ្ញាតឱ្យប្រើប្រាស់បណ្ណ ប.ស.ស. (NSF) សម្រាប់ផ្នែកខ្លះផងដែរ។
ការអភិវឌ្ឍនេះ ឆ្លុះបញ្ចាំងយ៉ាងច្បាស់ពីទិសដៅគោលនយោបាយរបស់រាជរដ្ឋាភិបាលកម្ពុជា ក្នុងការលើកកម្ពស់គុណភាពប្រព័ន្ធសុខាភិបាល ការពង្រឹងធនធានមនុស្សជំនាញ និងការទាញយកបច្ចេកវិទ្យាទំនើបមកប្រើប្រាស់ ដើម្បីឱ្យសម្រេចបាននូវការគ្របដណ្តប់សុខភាពជាសកល៕
រាយការណ៍ សារព័ត៌មាន The Khmer Daily Network
ដើមឡើយ មន្ទីរពេទ្យនេះជាអតីត «មន្ទីរពេទ្យស្ត្រី នគរទេព» ដែលត្រូវបានបង្កើត និងដាក់ឱ្យប្រើប្រាស់កាលពីថ្ងៃទី៥ ខែវិច្ឆិកា ឆ្នាំ២០១៩ ក្រោមគំនិតផ្តួចផ្តើមរបស់លោកស្រី ជេននី រីតស្កេស (Janne Ritskes) និងលោកជំទាវកិត្តិបណ្ឌិត អ៊ឹង កន្ថាផាវី ដើម្បីផ្តោតលើការពិនិត្យ និងព្យាបាលជំងឺរោគស្ត្រី។
ក្នុងអំឡុងពេលនៃការរីករាលដាលជំងឺកូវីដ-១៩ រាជរដ្ឋាភិបាលកម្ពុជាបានទិញមន្ទីរពេទ្យនេះ សម្រាប់ប្រើប្រាស់ជាទីតាំងសង្គ្រោះ និងព្យាបាលអ្នកជំងឺកូវីដ-១៩ កម្រិតមធ្យម និងធ្ងន់ ដោយបានប្តូរឈ្មោះទៅជា «មន្ទីរពេទ្យ ហ្លួង ម៉ែ» នៅឆ្នាំ២០២១។
ក្រោយបញ្ចប់វិបត្តិកូវីដ-១៩ ក្រោមគំនិតផ្តួចផ្តើមរបស់សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី រាជរដ្ឋាភិបាលបានកែប្រែ និងអភិវឌ្ឍមន្ទីរពេទ្យនេះឱ្យក្លាយជា «មន្ទីរពេទ្យថ្នាក់ជាតិ ឯកទេសព្យាបាលជំងឺមហារីក» ដោយបានជួសជុល កែលម្អហេដ្ឋារចនាសម្ព័ន្ធ និងបំពាក់ឧបករណ៍វេជ្ជសាស្ត្រទំនើបៗ។
ប្រភព និងរូបភាព៖ ទំព័រហ្វេសប៊ុក Samdech Thipadei Hun Manet, Prime Minister of Cambodiaមន្ទីរពេទ្យបានបំពាក់នូវឧបករណ៍វេជ្ជសាស្ត្រទំនើបៗជាច្រើន រួមមាន ម៉ាស៊ីនបាញ់កាំរស្មី Linac, CT-Scan, MRI, Brachytherapy, Mammography, Angiography និងឧបករណ៍ធ្វើរោគវិនិច្ឆ័យស្មុគស្មាញផ្សេងៗទៀត។
គិតត្រឹមថ្ងៃទី៣១ ខែកក្កដា ឆ្នាំ២០២៦ មន្ទីរពេទ្យ ហ្លួង ម៉ែ សម្រេចបាននូវលទ្ធផលសំខាន់ៗដូចជា៖ ផ្តល់សេវាពិគ្រោះជំងឺក្រៅបានជាង ២៣ម៉ឺននាក់ និងអ្នកជំងឺសម្រាកព្យាបាលក្នុងមន្ទីរពេទ្យជាង ២ម៉ឺននាក់, ពិនិត្យរកឃើញអ្នកជំងឺមហារីកថ្មីចំនួន ៣,៤២០ នាក់, ផ្តល់ការចាក់វ៉ាក់សាំងការពារមហារីកមាត់ស្បូនបានជាង ៥ពាន់ដូស និងផ្តល់ការពិនិត្យស្វែងរកជំងឺមហារីកមាត់ស្បូនដោយឥតគិតថ្លៃបានជាង ១០ម៉ឺនករណី។
មន្ទីរពេទ្យ ហ្លួង ម៉ែ កំពុងក្លាយជាមជ្ឈមណ្ឌលសុខាភិបាលឯកទេសដ៏សំខាន់របស់កម្ពុជា ក្នុងការពិនិត្យ ធ្វើរោគវិនិច្ឆ័យ វះកាត់ និងព្យាបាលជំងឺមហារីក។ សម្តេចធិបតី ហ៊ុន ម៉ាណែត បានគូសបញ្ជាក់ថា មន្ទីរពេទ្យនេះជាមន្ទីរពេទ្យរបស់ប្រជាពលរដ្ឋខ្មែរគ្រប់រូប ដោយការផ្តល់សេវាមានតម្លៃសមរម្យ ព្រមទាំងអនុញ្ញាតឱ្យប្រើប្រាស់បណ្ណ ប.ស.ស. (NSF) សម្រាប់ផ្នែកខ្លះផងដែរ។
ការអភិវឌ្ឍនេះ ឆ្លុះបញ្ចាំងយ៉ាងច្បាស់ពីទិសដៅគោលនយោបាយរបស់រាជរដ្ឋាភិបាលកម្ពុជា ក្នុងការលើកកម្ពស់គុណភាពប្រព័ន្ធសុខាភិបាល ការពង្រឹងធនធានមនុស្សជំនាញ និងការទាញយកបច្ចេកវិទ្យាទំនើបមកប្រើប្រាស់ ដើម្បីឱ្យសម្រេចបាននូវការគ្របដណ្តប់សុខភាពជាសកល៕
រាយការណ៍ សារព័ត៌មាន The Khmer Daily Network
