National
• 1 hour ago• Lim_Rothanaksambath
ដឹងពីវិធានការបង្ការ និងឆ្លើយតបសង្គ្រោះបន្ទាន់ចំពោះគ្រោះទឹកជំនន់ នៅតាមបណ្តោយទន្លេចតុមុខ និងដងស្ទឹងព្រែកត្នោត
ភ្នំពេញ, ថ្ងៃទី២១ ខែកញ្ញា ឆ្នាំ២០២៦៖ យោងតាមសេចក្តីជូនដំណឹងជាបន្តបន្ទាប់របស់ក្រសួងធនធានទឹក និងឧតុនិយម ព្រមទាំងការណែនាំរបស់គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) រដ្ឋបាលរាជធានីភ្នំពេញ បានដាក់ចេញនូវ «សេចក្តីណែនាំ ស្តីពីវិធានការបង្ការ និងឆ្លើយតបសង្គ្រោះបន្ទាន់ចំពោះគ្រោះទឹកជំនន់នៅរាជធានីភ្នំពេញ» ដើម្បីត្រៀមលក្ខណៈអន្តរាគមន៍ជួយសង្គ្រោះប្រជាពលរដ្ឋរងគ្រោះ ការពារអាយុជីវិត ទ្រព្យសម្បត្តិ និងសុខុមាលភាពសាធារណៈ ឱ្យបានទាន់ពេលវេលា។
ការចេញសេចក្តីណែនាំនេះ ធ្វើឡើងដើម្បីអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ថ្លែងក្នុងកិច្ចប្រជុំពេញអង្គគណៈរដ្ឋមន្ត្រី កាលពីថ្ងៃទី២៨ ខែសីហា ឆ្នាំ២០២៦ កន្លងទៅ ក្នុងគោលដៅបង្កើនប្រសិទ្ធភាពនៃការគ្រប់គ្រងគ្រោះមហន្តរាយពីជំនន់ទឹកភ្លៀង និងទឹកទន្លេដែលកំពុងកើនឡើងខ្ពស់។
១. វិធានការណែនាំសម្រាប់ប្រជាពលរដ្ឋ និងអាជីវកម្មដឹកជញ្ជូនផ្លូវទឹក
• សម្រាប់ប្រជាពលរដ្ឋរស់នៅតាមបណ្តោយទន្លេចតុមុខ និងដងស្ទឹងព្រែកត្នោត៖
o ត្រូវតាមដានព័ត៌មានអាកាសធាតុ និងកម្ពស់ទឹកជាប្រចាំ ដោយបង្កើនការប្រុងប្រយ័ត្នខ្ពស់។
o ត្រៀមរៀបចំទ្រព្យសម្បត្តិ សត្វពាហនៈ និងសម្ភារៈចាំបាច់ជាមុន ដើម្បីត្រៀមជម្លៀសទៅកាន់ទីទួលសុវត្ថិភាព ឬមណ្ឌលជម្លៀសដែលអាជ្ញាធរបានរៀបចំជូន។
o យកចិត្តទុកដាក់លើអនាម័យ បរិស្ថាន និងសុខភាព ដើម្បីជៀសវាងជំងឺឆ្លងផ្សេងៗ និងការពារពីសត្វល្អិតអាសិរពិស។
o ត្រូវចុះឈ្មោះប្រើប្រាស់ប្រព័ន្ធប្រកាសឱ្យដឹងមុន «១២៩៤» ឱ្យបានគ្រប់ៗគ្នា ដើម្បីទទួលបានព័ត៌មានទាន់ហេតុការណ៍អំពីគ្រោះមហន្តរាយ។
• សម្រាប់ម្ចាស់អាជីវកម្មកំពង់ចម្លង និងអ្នកធ្វើដំណើរតាមផ្លូវទឹក៖
o ហាមឃាត់ដាច់ខាតការដឹកជញ្ជូន ឬផ្ទុកមនុស្សហួសកម្រិតកំណត់។
o ការធ្វើដំណើរពេលយប់ត្រូវមានភ្លើងបំភ្លឺ អាវពោងសុវត្ថិភាព និងឧបករណ៍សង្គ្រោះចាំបាច់។
o ត្រូវផ្អាកការធ្វើដំណើរជាបណ្តោះអាសន្ននៅពេលមានភ្លៀងធ្លាក់ ឬខ្យល់កន្ត្រាក់ខ្លាំង (លើកលែងតែករណីចាំបាច់បន្ទាន់)។
២. ការបែងចែកភារកិច្ច និងការត្រៀមលក្ខណៈរបស់កងកម្លាំង និងអាជ្ញាធរខណ្ឌទាំង ១៤
• កងកម្លាំងប្រដាប់អាវុធ (នគរបាល និងកងរាជអាវុធហត្ថរាជធានីភ្នំពេញ)៖
o ចាត់តាំងមន្ត្រីប្រចាំការ ២៤ម៉ោង/២៤ម៉ោង លើ Hotline ឆ្លើយតបបន្ទាន់។
o ត្រៀមកម្លាំង និងមធ្យោបាយសរុប (អូប័រ, កាណូត, ទូក, រថយន្ត) ព្រមទាំងមន្ត្រីនគរបាលចរាចរណ៍ផ្លូវទឹក ដើម្បីអន្តរាគមន៍ជួយសង្គ្រោះពេលមានហេតុការណ៍ជាយថាហេតុ។
• រដ្ឋបាលខណ្ឌទាំង ១៤ (ជាពិសេសខណ្ឌទាំង ១០ ជាប់ប្រភពទឹក៖ ជ្រោយចង្វារ, ឫស្សីកែវ, ចំការមន, ដូនពេញ, ច្បារអំពៅ, ព្រែកព្នៅ, មានជ័យ, ពោធិ៍សែនជ័យ, ដង្កោ, កំបូល)៖
o រៀបចំក្រុមវេនយាមប្រចាំការនៅថ្នាក់ខណ្ឌ សង្កាត់ និងភូមិ។
o ពិនិត្យ ជួសជុល និងសម្អាតទីទួល/មណ្ឌលជម្លៀសសុវត្ថិភាព ព្រមទាំងរៀបចំផ្គត់ផ្គង់ទឹកស្អាត អគ្គិសនី និងអនាម័យ។
o ត្រៀមសម្ភារអន្តរាគមន៍ (រថយន្ត, បាវខ្សាច់, ចប, បង្គំ, ស្បៀងអាហារ) និងការពារសន្តិសុខនៅទីតាំងជម្លៀស។
o ស្រង់ស្ថិតិអ្នករងគ្រោះ និងបញ្ចូលទិន្នន័យក្នុង ប្រព័ន្ធព័ត៌មាន PRISM ដើម្បីវាយតម្លៃផលប៉ះពាល់ និងតម្រូវការជាក់ស្តែង។
o យកចិត្តទុកដាក់ជាពិសេសលើក្រុមជនងាយរងគ្រោះ៖ ស្ត្រីមានផ្ទៃពោះ, កុមារ, មនុស្សចាស់, និងជនពិការ។ សម្រាប់ស្ត្រីជិតឆ្លងទន្លេ ត្រូវសម្របសម្រួលឱ្យទៅស្នាក់នៅបណ្តោះអាសន្ននៅមណ្ឌលសុខភាព ឬមន្ទីរពេទ្យជិតបំផុត ដើម្បីធានាសុវត្ថិភាព និងរក្សាអត្ថប្រយោជន៍ពី «កម្មវិធីជាតិជំនួយសង្គមក្នុងកញ្ចប់គ្រួសារ»។
៣. ភារកិច្ចរបស់មន្ទីរ-អង្គភាពជំនាញជុំវិញរដ្ឋបាលរាជធានីភ្នំពេញ
• មន្ទីរសុខាភិបាល៖ ត្រៀមក្រុមគ្រូពេទ្យ, គិលានសង្គ្រោះ, ស្តង់ពេទ្យចល័ត, និងឱសថប្រចាំការ ២៤/២៤ នៅតាមទីទួលសុវត្ថិភាព ព្រមទាំងត្រៀមបញ្ជូនអ្នកជំងឺធ្ងន់ធ្ងរទៅកាន់មន្ទីរពេទ្យថ្នាក់ជាតិ។
• មន្ទីរសាធារណការ និងដឹកជញ្ជូន៖ ត្រៀមបង្គន់អនាម័យចល័ត, គ្រឿងចក្រ, ម៉ាស៊ីនបូមទឹកនៅតាមស្ថានីយ, ជួសជុលប្រព័ន្ធលូ និងប្រឡាយរំដោះទឹក ដើម្បីកាត់បន្ថយការជន់លិច។
• មន្ទីរអប់រំ និងមន្ទីរធម្មការ៖ ណែនាំគ្រប់គ្រឹះស្ថានសិក្សា និងវត្តអារាមក្នុងតំបន់ប្រឈមឱ្យបង្កើនការប្រុងប្រយ័ត្ន។ ករណីចាំបាច់ ត្រូវស្នើសុំគោលការណ៍ផ្អាកការសិក្សា ឬផ្ទេរសិស្សទៅរៀននៅទីតាំងសុវត្ថិភាពជាបណ្តោះអាសន្ន។
• មន្ទីរសង្គមកិច្ច, ផែនការ, និងបេឡាជាតិសន្តិសុខសង្គម/មូលនិធិជាតិជំនួយសង្គម៖ ស្វែងរក និងកំណត់អត្តសញ្ញាណគ្រួសាររងគ្រោះ ដើម្បីផ្តល់ប្រាក់ឧបត្ថម្ភ និងជំនួយសង្គ្រោះបន្ទាន់។
• មន្ទីរកសិកម្ម៖ ត្រៀមផ្តល់គ្រាប់ពូជដំណាំ និងពូជសត្វ/វារីវប្បកម្ម សម្រាប់ស្តារជីវភាពឡើងវិញក្រោយទឹកជំនន់ថមថយ។
• មន្ទីរព័ត៌មាន និងមន្ទីរធនធានទឹក៖ តាមដាន និងផ្សព្វផ្សាយការព្យាករណ៍អាកាសធាតុ និងកម្ពស់ទឹកជាប្រចាំជូនសាធារណជន៕
រាយការណ៍ដោយ សារព័ត៌មាន The Khmer Daily Network
ការចេញសេចក្តីណែនាំនេះ ធ្វើឡើងដើម្បីអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ថ្លែងក្នុងកិច្ចប្រជុំពេញអង្គគណៈរដ្ឋមន្ត្រី កាលពីថ្ងៃទី២៨ ខែសីហា ឆ្នាំ២០២៦ កន្លងទៅ ក្នុងគោលដៅបង្កើនប្រសិទ្ធភាពនៃការគ្រប់គ្រងគ្រោះមហន្តរាយពីជំនន់ទឹកភ្លៀង និងទឹកទន្លេដែលកំពុងកើនឡើងខ្ពស់។
១. វិធានការណែនាំសម្រាប់ប្រជាពលរដ្ឋ និងអាជីវកម្មដឹកជញ្ជូនផ្លូវទឹក
• សម្រាប់ប្រជាពលរដ្ឋរស់នៅតាមបណ្តោយទន្លេចតុមុខ និងដងស្ទឹងព្រែកត្នោត៖
o ត្រូវតាមដានព័ត៌មានអាកាសធាតុ និងកម្ពស់ទឹកជាប្រចាំ ដោយបង្កើនការប្រុងប្រយ័ត្នខ្ពស់។
o ត្រៀមរៀបចំទ្រព្យសម្បត្តិ សត្វពាហនៈ និងសម្ភារៈចាំបាច់ជាមុន ដើម្បីត្រៀមជម្លៀសទៅកាន់ទីទួលសុវត្ថិភាព ឬមណ្ឌលជម្លៀសដែលអាជ្ញាធរបានរៀបចំជូន។
o យកចិត្តទុកដាក់លើអនាម័យ បរិស្ថាន និងសុខភាព ដើម្បីជៀសវាងជំងឺឆ្លងផ្សេងៗ និងការពារពីសត្វល្អិតអាសិរពិស។
o ត្រូវចុះឈ្មោះប្រើប្រាស់ប្រព័ន្ធប្រកាសឱ្យដឹងមុន «១២៩៤» ឱ្យបានគ្រប់ៗគ្នា ដើម្បីទទួលបានព័ត៌មានទាន់ហេតុការណ៍អំពីគ្រោះមហន្តរាយ។
• សម្រាប់ម្ចាស់អាជីវកម្មកំពង់ចម្លង និងអ្នកធ្វើដំណើរតាមផ្លូវទឹក៖
o ហាមឃាត់ដាច់ខាតការដឹកជញ្ជូន ឬផ្ទុកមនុស្សហួសកម្រិតកំណត់។
o ការធ្វើដំណើរពេលយប់ត្រូវមានភ្លើងបំភ្លឺ អាវពោងសុវត្ថិភាព និងឧបករណ៍សង្គ្រោះចាំបាច់។
o ត្រូវផ្អាកការធ្វើដំណើរជាបណ្តោះអាសន្ននៅពេលមានភ្លៀងធ្លាក់ ឬខ្យល់កន្ត្រាក់ខ្លាំង (លើកលែងតែករណីចាំបាច់បន្ទាន់)។
២. ការបែងចែកភារកិច្ច និងការត្រៀមលក្ខណៈរបស់កងកម្លាំង និងអាជ្ញាធរខណ្ឌទាំង ១៤
• កងកម្លាំងប្រដាប់អាវុធ (នគរបាល និងកងរាជអាវុធហត្ថរាជធានីភ្នំពេញ)៖
o ចាត់តាំងមន្ត្រីប្រចាំការ ២៤ម៉ោង/២៤ម៉ោង លើ Hotline ឆ្លើយតបបន្ទាន់។
o ត្រៀមកម្លាំង និងមធ្យោបាយសរុប (អូប័រ, កាណូត, ទូក, រថយន្ត) ព្រមទាំងមន្ត្រីនគរបាលចរាចរណ៍ផ្លូវទឹក ដើម្បីអន្តរាគមន៍ជួយសង្គ្រោះពេលមានហេតុការណ៍ជាយថាហេតុ។
• រដ្ឋបាលខណ្ឌទាំង ១៤ (ជាពិសេសខណ្ឌទាំង ១០ ជាប់ប្រភពទឹក៖ ជ្រោយចង្វារ, ឫស្សីកែវ, ចំការមន, ដូនពេញ, ច្បារអំពៅ, ព្រែកព្នៅ, មានជ័យ, ពោធិ៍សែនជ័យ, ដង្កោ, កំបូល)៖
o រៀបចំក្រុមវេនយាមប្រចាំការនៅថ្នាក់ខណ្ឌ សង្កាត់ និងភូមិ។
o ពិនិត្យ ជួសជុល និងសម្អាតទីទួល/មណ្ឌលជម្លៀសសុវត្ថិភាព ព្រមទាំងរៀបចំផ្គត់ផ្គង់ទឹកស្អាត អគ្គិសនី និងអនាម័យ។
o ត្រៀមសម្ភារអន្តរាគមន៍ (រថយន្ត, បាវខ្សាច់, ចប, បង្គំ, ស្បៀងអាហារ) និងការពារសន្តិសុខនៅទីតាំងជម្លៀស។
o ស្រង់ស្ថិតិអ្នករងគ្រោះ និងបញ្ចូលទិន្នន័យក្នុង ប្រព័ន្ធព័ត៌មាន PRISM ដើម្បីវាយតម្លៃផលប៉ះពាល់ និងតម្រូវការជាក់ស្តែង។
o យកចិត្តទុកដាក់ជាពិសេសលើក្រុមជនងាយរងគ្រោះ៖ ស្ត្រីមានផ្ទៃពោះ, កុមារ, មនុស្សចាស់, និងជនពិការ។ សម្រាប់ស្ត្រីជិតឆ្លងទន្លេ ត្រូវសម្របសម្រួលឱ្យទៅស្នាក់នៅបណ្តោះអាសន្ននៅមណ្ឌលសុខភាព ឬមន្ទីរពេទ្យជិតបំផុត ដើម្បីធានាសុវត្ថិភាព និងរក្សាអត្ថប្រយោជន៍ពី «កម្មវិធីជាតិជំនួយសង្គមក្នុងកញ្ចប់គ្រួសារ»។
៣. ភារកិច្ចរបស់មន្ទីរ-អង្គភាពជំនាញជុំវិញរដ្ឋបាលរាជធានីភ្នំពេញ
• មន្ទីរសុខាភិបាល៖ ត្រៀមក្រុមគ្រូពេទ្យ, គិលានសង្គ្រោះ, ស្តង់ពេទ្យចល័ត, និងឱសថប្រចាំការ ២៤/២៤ នៅតាមទីទួលសុវត្ថិភាព ព្រមទាំងត្រៀមបញ្ជូនអ្នកជំងឺធ្ងន់ធ្ងរទៅកាន់មន្ទីរពេទ្យថ្នាក់ជាតិ។
• មន្ទីរសាធារណការ និងដឹកជញ្ជូន៖ ត្រៀមបង្គន់អនាម័យចល័ត, គ្រឿងចក្រ, ម៉ាស៊ីនបូមទឹកនៅតាមស្ថានីយ, ជួសជុលប្រព័ន្ធលូ និងប្រឡាយរំដោះទឹក ដើម្បីកាត់បន្ថយការជន់លិច។
• មន្ទីរអប់រំ និងមន្ទីរធម្មការ៖ ណែនាំគ្រប់គ្រឹះស្ថានសិក្សា និងវត្តអារាមក្នុងតំបន់ប្រឈមឱ្យបង្កើនការប្រុងប្រយ័ត្ន។ ករណីចាំបាច់ ត្រូវស្នើសុំគោលការណ៍ផ្អាកការសិក្សា ឬផ្ទេរសិស្សទៅរៀននៅទីតាំងសុវត្ថិភាពជាបណ្តោះអាសន្ន។
• មន្ទីរសង្គមកិច្ច, ផែនការ, និងបេឡាជាតិសន្តិសុខសង្គម/មូលនិធិជាតិជំនួយសង្គម៖ ស្វែងរក និងកំណត់អត្តសញ្ញាណគ្រួសាររងគ្រោះ ដើម្បីផ្តល់ប្រាក់ឧបត្ថម្ភ និងជំនួយសង្គ្រោះបន្ទាន់។
• មន្ទីរកសិកម្ម៖ ត្រៀមផ្តល់គ្រាប់ពូជដំណាំ និងពូជសត្វ/វារីវប្បកម្ម សម្រាប់ស្តារជីវភាពឡើងវិញក្រោយទឹកជំនន់ថមថយ។
• មន្ទីរព័ត៌មាន និងមន្ទីរធនធានទឹក៖ តាមដាន និងផ្សព្វផ្សាយការព្យាករណ៍អាកាសធាតុ និងកម្ពស់ទឹកជាប្រចាំជូនសាធារណជន៕
រាយការណ៍ដោយ សារព័ត៌មាន The Khmer Daily Network
