National
• 1 hour ago• Lim_Rothanaksambath
ក្រសួងប្រៃសណីយ៍ ជំរុញនិស្សិត CADT រួមគ្នាលុបបំបាត់ការចម្លងមេរោគអេដស៍ និងជៀសឆ្ងាយពីគ្រឿងញៀន
ភ្នំពេញ, ថ្ងៃទី៨ ខែតុលា ឆ្នាំ២០២៦៖ ក្រសួងប្រៃសណីយ៍ និងទូរគមនាគមន៍ បានរៀបចំសិក្ខាសាលាផ្សព្វផ្សាយ និងអប់រំយល់ដឹងមួយ ក្នុងគោលបំណងកសាងកម្លាំង ដើម្បីចូលរួមអនុវត្តគោលនយោបាយជាតិបញ្ចប់ជំងឺអេដស៍ និងលុបបំបាត់បញ្ហាគ្រឿងញៀននៅក្នុងសង្គមកម្ពុជា។
តួយ៉ាង នៅថ្ងៃទី៧ ខែតុលា ឆ្នាំ២០២៦ ឯកឧត្តម ខាយ ឃុនហេង រដ្ឋលេខាធិការ និងជាប្រធានគណៈកម្មាធិការប្រយុទ្ធនឹងជំងឺអេដស៍ និងប្រយុទ្ធប្រឆាំងគ្រឿងញៀនខុសច្បាប់នៃក្រសួងប្រៃសណីយ៍និងទូរគមនាគមន៍ បានអញ្ជើញជាអធិបតីភាពក្នុងសិក្ខាសាលាស្តីពី «ជំរុញការចូលរួមរបស់និស្សិត ដើម្បីបញ្ចប់ការចម្លងមេរោគអេដស៍ និងចៀសឆ្ងាយពីគ្រឿងញៀន»។
ពិធីនេះក៏មានការអញ្ជើញចូលរួមពី ឯកឧត្តមសាស្ត្រាចារ្យ ហោ ប៊ុនឡេង អនុប្រធានអាជ្ញាធរជាតិប្រយុទ្ធនឹងជំងឺអេដស៍, តំណាងអាជ្ញាធរជាតិប្រយុទ្ធប្រឆាំងគ្រឿងញៀនខុសច្បាប់ ព្រមទាំងថ្នាក់ដឹកនាំ មន្ត្រីរាជការ សាស្ត្រាចារ្យ និងនិស្សិតនៃបណ្ឌិត្យសភាបច្ចេកវិទ្យាឌីជីថលកម្ពុជា (CADT) សរុបប្រមាណ ៣៥០នាក់។
សិក្ខាសាលានេះត្រូវបានរៀបចំឡើង ដើម្បីបង្កើនកម្លាំងសាមគ្គីសរុបក្នុងការចូលរួមអនុវត្ត «គោលនយោបាយជាតិបញ្ចប់អេដស៍ និងចីរភាពនៃកម្មវិធីអេដស៍», បញ្ជ្រាបចំណេះដឹង និងការយល់ដឹងអំពីហានិភ័យ និងបញ្ហាប្រឈមនៃការឆ្លងមេរោគអេដស៍/ជំងឺអេដស៍, រួមគ្នាបដិសេធ និងប្រឆាំងគ្រឿងញៀនគ្រប់ទម្រង់ ដើម្បីការពារសុខភាព អនាគត និងសង្គមជាតិ។
ប្រភព និងរូបភាព៖ ទំព័រហ្វេសប៊ុក ក្រសួងប្រៃសណីយ៍ និងទូរគមនាគមន៍ - Ministry of Post and Telecommunications
នៅក្នុងឱកាសនោះ ឯកឧត្តមរដ្ឋលេខាធិការ ខាយ ឃុនហេង បានផ្តល់អនុសាសន៍ និងផ្ដាំផ្ញើយ៉ាងម៉ឺងម៉ាត់ដល់និស្សិតទាំងអស់ ដោយត្រូវប្រកាន់ខ្ជាប់នូវឥរិយាបទរស់នៅស្អាតស្អំ ចេះការពារខ្លួនពីការឆ្លងមេរោគអេដស៍ ព្រមទាំងបញ្ឈប់រាល់ទម្រង់នៃការរើសអើង និងស្កាត់ជើងអ្នកផ្ទុកមេរោគអេដស៍ ដោយផ្លាស់ប្តូរមកជាការផ្តល់កម្លាំងចិត្ត និងក្តីសង្ឃឹមក្នុងជីវិតដល់ពួកគេវិញ។
ឯកឧត្តមរដ្ឋលេខាធិការ មានប្រសាសន៍បន្តថា ដាច់ខាតកុំសាកល្បងប្រើប្រាស់គ្រឿងញៀនសូម្បីតែមួយដង ដោយសារតែភាពចង់ដឹង ចង់សាក ឬការអូសទាញពីមិត្តភក្តិ ពីព្រោះគ្មានគ្រឿងញៀនណាមួយធ្វើឱ្យមនុស្សមានប្រាជ្ញាវៃឆ្លាត ឬទទួលបានក្តីសុខពិតប្រាកដនោះឡើយ។
និស្សិតដែលមានចំណេះដឹង គឺជាកម្លាំងបន្តវេនដ៏សំខាន់ ត្រូវនាំយកចំណេះដឹង និងសារអប់រំដែលទទួលបានក្នុងសិក្ខាសាលានេះ ទៅចែករំលែកបន្តដល់មិត្តភក្តិ គ្រួសារ សាច់ញាតិ និងសហគមន៍ ដើម្បីរួមគ្នាកសាងសង្គមកម្ពុជា «គ្មានមេរោគអេដស៍ និងគ្មានគ្រឿងញៀន»៕
រាយការណ៍ដោយ សារព័ត៌មាន The Khmer Daily Network
តួយ៉ាង នៅថ្ងៃទី៧ ខែតុលា ឆ្នាំ២០២៦ ឯកឧត្តម ខាយ ឃុនហេង រដ្ឋលេខាធិការ និងជាប្រធានគណៈកម្មាធិការប្រយុទ្ធនឹងជំងឺអេដស៍ និងប្រយុទ្ធប្រឆាំងគ្រឿងញៀនខុសច្បាប់នៃក្រសួងប្រៃសណីយ៍និងទូរគមនាគមន៍ បានអញ្ជើញជាអធិបតីភាពក្នុងសិក្ខាសាលាស្តីពី «ជំរុញការចូលរួមរបស់និស្សិត ដើម្បីបញ្ចប់ការចម្លងមេរោគអេដស៍ និងចៀសឆ្ងាយពីគ្រឿងញៀន»។
ពិធីនេះក៏មានការអញ្ជើញចូលរួមពី ឯកឧត្តមសាស្ត្រាចារ្យ ហោ ប៊ុនឡេង អនុប្រធានអាជ្ញាធរជាតិប្រយុទ្ធនឹងជំងឺអេដស៍, តំណាងអាជ្ញាធរជាតិប្រយុទ្ធប្រឆាំងគ្រឿងញៀនខុសច្បាប់ ព្រមទាំងថ្នាក់ដឹកនាំ មន្ត្រីរាជការ សាស្ត្រាចារ្យ និងនិស្សិតនៃបណ្ឌិត្យសភាបច្ចេកវិទ្យាឌីជីថលកម្ពុជា (CADT) សរុបប្រមាណ ៣៥០នាក់។
សិក្ខាសាលានេះត្រូវបានរៀបចំឡើង ដើម្បីបង្កើនកម្លាំងសាមគ្គីសរុបក្នុងការចូលរួមអនុវត្ត «គោលនយោបាយជាតិបញ្ចប់អេដស៍ និងចីរភាពនៃកម្មវិធីអេដស៍», បញ្ជ្រាបចំណេះដឹង និងការយល់ដឹងអំពីហានិភ័យ និងបញ្ហាប្រឈមនៃការឆ្លងមេរោគអេដស៍/ជំងឺអេដស៍, រួមគ្នាបដិសេធ និងប្រឆាំងគ្រឿងញៀនគ្រប់ទម្រង់ ដើម្បីការពារសុខភាព អនាគត និងសង្គមជាតិ។
ប្រភព និងរូបភាព៖ ទំព័រហ្វេសប៊ុក ក្រសួងប្រៃសណីយ៍ និងទូរគមនាគមន៍ - Ministry of Post and Telecommunicationsនៅក្នុងឱកាសនោះ ឯកឧត្តមរដ្ឋលេខាធិការ ខាយ ឃុនហេង បានផ្តល់អនុសាសន៍ និងផ្ដាំផ្ញើយ៉ាងម៉ឺងម៉ាត់ដល់និស្សិតទាំងអស់ ដោយត្រូវប្រកាន់ខ្ជាប់នូវឥរិយាបទរស់នៅស្អាតស្អំ ចេះការពារខ្លួនពីការឆ្លងមេរោគអេដស៍ ព្រមទាំងបញ្ឈប់រាល់ទម្រង់នៃការរើសអើង និងស្កាត់ជើងអ្នកផ្ទុកមេរោគអេដស៍ ដោយផ្លាស់ប្តូរមកជាការផ្តល់កម្លាំងចិត្ត និងក្តីសង្ឃឹមក្នុងជីវិតដល់ពួកគេវិញ។
ឯកឧត្តមរដ្ឋលេខាធិការ មានប្រសាសន៍បន្តថា ដាច់ខាតកុំសាកល្បងប្រើប្រាស់គ្រឿងញៀនសូម្បីតែមួយដង ដោយសារតែភាពចង់ដឹង ចង់សាក ឬការអូសទាញពីមិត្តភក្តិ ពីព្រោះគ្មានគ្រឿងញៀនណាមួយធ្វើឱ្យមនុស្សមានប្រាជ្ញាវៃឆ្លាត ឬទទួលបានក្តីសុខពិតប្រាកដនោះឡើយ។
និស្សិតដែលមានចំណេះដឹង គឺជាកម្លាំងបន្តវេនដ៏សំខាន់ ត្រូវនាំយកចំណេះដឹង និងសារអប់រំដែលទទួលបានក្នុងសិក្ខាសាលានេះ ទៅចែករំលែកបន្តដល់មិត្តភក្តិ គ្រួសារ សាច់ញាតិ និងសហគមន៍ ដើម្បីរួមគ្នាកសាងសង្គមកម្ពុជា «គ្មានមេរោគអេដស៍ និងគ្មានគ្រឿងញៀន»៕
រាយការណ៍ដោយ សារព័ត៌មាន The Khmer Daily Network
