National
• 2 hours ago• Lim_Rothanaksambath
អគ្គនាយក CMAC បង្ហាញទិន្នន័យផលប៉ះពាល់ពីសង្គ្រាមឈ្លានពានតាមព្រំដែន ខណៈថៃព្យាយាមបំភាន់ការពិត តែ Tom Andrews បង្ហាញការពិត
ភ្នំពេញ, ថ្ងៃទី១១ ខែសីហា ឆ្នាំ២០២៦៖ ឯកឧត្តម ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា(CMAC) បានបញ្ជាក់ពីលទ្ធផលនៃការស្រាវជ្រាវអំពីផលប៉ះពាល់យ៉ាងធ្ងន់ធ្ងរនៃសំណល់យុទ្ធភណ្ឌសង្គ្រាម និងការបំផ្លិចបំផ្លាញក្នុងតំបន់ជម្លោះព្រំដែន ដោយរកឃើញថាមានផ្ទៃដីជាង ៣.៨០០ គីឡូម៉ែត្រក្រឡា បានរងការគំរាមកំហែង និងបន្សល់ទុកនូវវិនាសកម្មជាច្រើនដល់ប្រជាពលរដ្ឋកម្ពុជា។
យោងតាមការបង្ហោះរបស់ ឯកឧត្តម ហេង រតនា លើទំព័រហ្វេសប៊ុកផ្លូវការ នៅព្រឹកថ្ងៃទី១១ ខែសីហានេះ បានបញ្ជាក់ឱ្យដឹងថា តំបន់ស៊ីវិលជាក្រុង និងភូមិចំនួន ៣៤៩ ដែលរងផលប៉ះពាល់ដោយផ្ទាល់ពីសង្គ្រាម ដោយសារការបាញ់ផ្លោងគ្រាប់បែកចង្កោម ការទម្លាក់គ្រាប់បែកនិងគ្រាប់យុទ្ធភណ្ឌទូទៅ។ ក្នុងនោះ ប្រជាពលរដ្ឋចំនួន ៩១.៤១១ គ្រួសារ (ស្មើនឹងមនុស្ស ៣៦៤.៩៨៤ នាក់) បានរងគ្រោះដោយសារការបាញ់ផ្លោងគ្រាប់បែកចង្កោម និងការទម្លាក់គ្រាប់យុទ្ធភណ្ឌផ្សេងៗ។
បច្ចុប្បន្ន CMAC បានបញ្ចប់ការស្រាវជ្រាវក្នុងភូមិចំនួន ៣៣៥ ដែលរកឃើញផ្ទៃដីរងផលប៉ះពាល់សរុបជាង ៣.៨០០ គីឡូម៉ែត្រក្រឡា។ តួលេខនេះមិនទាន់បូកបញ្ចូលចំនួនប្រជាជនដែលបានបោះបង់ចោលលំនៅឋានដោយសារការភ័យខ្លាចនោះទេ។ ក្រៅពីជនរងគ្រោះជាមនុស្ស គ្រាប់បែកចង្កោម និងអាវុធគីមីបានបំផ្លាញប្រាង្គប្រាសាទបុរាណខ្មែរ ផ្ទះសំបែង សាលារៀន មន្ទីរពេទ្យ និងវត្តអារាមរាប់ម៉ឺនខ្នង។
អគ្គនាយក CMAC បានលើកឡើងចំៗចំពោះភាគីថៃ ដែលព្យាយាមកែប្រែការពិត និងទម្លាក់កំហុសមកលើកម្ពុជា ដើម្បីបិទបាំងទង្វើរបស់ខ្លួន ជាពិសេសពាក់ព័ន្ធនឹងតួលេខជនភៀសសឹកជាង ៦៥០.០០០ នាក់ ដែលមានចែងក្នុងរបាយការណ៍អង្គការសិទ្ធិមនុស្សនៃអង្គការសហប្រជាជាតិ។
គួររំលឹកផងដែរថា កម្ពុជាតែងតែទាមទាររកយុត្តិធម៌លើឆាកអន្តរជាតិ ចំពោះការប្រើប្រាស់គ្រាប់បែកចង្កោមក្នុងតំបន់ស៊ីវិល ដែលជាទង្វើខុសច្បាប់អន្តរជាតិ និងបានបន្សល់ទុកនូវផលវិបាកយូរអង្វែងដល់ការអភិវឌ្ឍន៍សហគមន៍តាមព្រំដែន។
ប្រភព និងរូបភាព៖ ទំព័រហ្វេសប៊ុក HENG Ratana
ជាមួយគ្នានោះ ប្រមុខរាជរដ្ឋាភិបាល និងក្រសួងការពារជាតិកម្ពុជា នៅតែបន្តការប្តេជ្ញាចិត្តយ៉ាងម៉ឺងម៉ាត់ ស្មោះត្រង់ ប្រកបដោយការទទួលខុសត្រូវខ្ពស់ក្នុងការគោរព និងអនុវត្តយ៉ាងពេញលេញ និងខ្ជាប់ខ្ជួនបំផុតនូវសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ថ្ងៃទី២៧ ខែធ្នូ ឆ្នាំ២០២៥, សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ ថ្ងៃទី២៦ ខែតុលា ឆ្នាំ២០២៥ និងកិច្ចព្រមព្រៀងពាក់ព័ន្ធផ្សេងទៀត ដើម្បីឆ្ពោះទៅការធ្វើឱ្យប្រសើរឡើងវិញឆាប់រហ័ស និងការវិលត្រឡប់ទៅរកប្រក្រតីភាព សន្តិភាព ស្ថិរភាពយូរអង្វែង៕
រាយការណ៍ដោយ សារព័ត៌មាន The Khmer Daily Network
យោងតាមការបង្ហោះរបស់ ឯកឧត្តម ហេង រតនា លើទំព័រហ្វេសប៊ុកផ្លូវការ នៅព្រឹកថ្ងៃទី១១ ខែសីហានេះ បានបញ្ជាក់ឱ្យដឹងថា តំបន់ស៊ីវិលជាក្រុង និងភូមិចំនួន ៣៤៩ ដែលរងផលប៉ះពាល់ដោយផ្ទាល់ពីសង្គ្រាម ដោយសារការបាញ់ផ្លោងគ្រាប់បែកចង្កោម ការទម្លាក់គ្រាប់បែកនិងគ្រាប់យុទ្ធភណ្ឌទូទៅ។ ក្នុងនោះ ប្រជាពលរដ្ឋចំនួន ៩១.៤១១ គ្រួសារ (ស្មើនឹងមនុស្ស ៣៦៤.៩៨៤ នាក់) បានរងគ្រោះដោយសារការបាញ់ផ្លោងគ្រាប់បែកចង្កោម និងការទម្លាក់គ្រាប់យុទ្ធភណ្ឌផ្សេងៗ។
បច្ចុប្បន្ន CMAC បានបញ្ចប់ការស្រាវជ្រាវក្នុងភូមិចំនួន ៣៣៥ ដែលរកឃើញផ្ទៃដីរងផលប៉ះពាល់សរុបជាង ៣.៨០០ គីឡូម៉ែត្រក្រឡា។ តួលេខនេះមិនទាន់បូកបញ្ចូលចំនួនប្រជាជនដែលបានបោះបង់ចោលលំនៅឋានដោយសារការភ័យខ្លាចនោះទេ។ ក្រៅពីជនរងគ្រោះជាមនុស្ស គ្រាប់បែកចង្កោម និងអាវុធគីមីបានបំផ្លាញប្រាង្គប្រាសាទបុរាណខ្មែរ ផ្ទះសំបែង សាលារៀន មន្ទីរពេទ្យ និងវត្តអារាមរាប់ម៉ឺនខ្នង។
អគ្គនាយក CMAC បានលើកឡើងចំៗចំពោះភាគីថៃ ដែលព្យាយាមកែប្រែការពិត និងទម្លាក់កំហុសមកលើកម្ពុជា ដើម្បីបិទបាំងទង្វើរបស់ខ្លួន ជាពិសេសពាក់ព័ន្ធនឹងតួលេខជនភៀសសឹកជាង ៦៥០.០០០ នាក់ ដែលមានចែងក្នុងរបាយការណ៍អង្គការសិទ្ធិមនុស្សនៃអង្គការសហប្រជាជាតិ។
គួររំលឹកផងដែរថា កម្ពុជាតែងតែទាមទាររកយុត្តិធម៌លើឆាកអន្តរជាតិ ចំពោះការប្រើប្រាស់គ្រាប់បែកចង្កោមក្នុងតំបន់ស៊ីវិល ដែលជាទង្វើខុសច្បាប់អន្តរជាតិ និងបានបន្សល់ទុកនូវផលវិបាកយូរអង្វែងដល់ការអភិវឌ្ឍន៍សហគមន៍តាមព្រំដែន។
ប្រភព និងរូបភាព៖ ទំព័រហ្វេសប៊ុក HENG Ratanaជាមួយគ្នានោះ ប្រមុខរាជរដ្ឋាភិបាល និងក្រសួងការពារជាតិកម្ពុជា នៅតែបន្តការប្តេជ្ញាចិត្តយ៉ាងម៉ឺងម៉ាត់ ស្មោះត្រង់ ប្រកបដោយការទទួលខុសត្រូវខ្ពស់ក្នុងការគោរព និងអនុវត្តយ៉ាងពេញលេញ និងខ្ជាប់ខ្ជួនបំផុតនូវសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ថ្ងៃទី២៧ ខែធ្នូ ឆ្នាំ២០២៥, សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ ថ្ងៃទី២៦ ខែតុលា ឆ្នាំ២០២៥ និងកិច្ចព្រមព្រៀងពាក់ព័ន្ធផ្សេងទៀត ដើម្បីឆ្ពោះទៅការធ្វើឱ្យប្រសើរឡើងវិញឆាប់រហ័ស និងការវិលត្រឡប់ទៅរកប្រក្រតីភាព សន្តិភាព ស្ថិរភាពយូរអង្វែង៕
រាយការណ៍ដោយ សារព័ត៌មាន The Khmer Daily Network
