National
• 1 hour ago• Lim_Rothanaksambath
កម្ពុជា និង ឥណ្ឌូនេស៊ី ប្តេជ្ញាពង្រឹងកិច្ចសហប្រតិបត្តិការនីតិបញ្ញត្តិ និងជំរុញការបង្កើត «វេទិកាព្រឹទ្ធសភាអាស៊ាន» ខណៈឥណ្ឌូនេស៊ីត្រៀមធ្វើម្ចាស់ផ្ទះសន្និសីទ ISC-3
ភ្នំពេញ, ថ្ងៃទី២៨ ខែសីហា ឆ្នាំ២០២៦៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានសន្និសីទប្រធានសភា នៃអន្តរសភា លើកទី២ (ISC-2) បានទទួលជួបសម្តែងការគួរសម និងពិភាក្សាការងារជាមួយ ឯកឧត្តម Sultan Baktiar Najamudin ប្រធានព្រឹទ្ធសភា នៃសាធារណរដ្ឋឥណ្ឌូនេស៊ី ដើម្បីពង្រឹងទំនាក់ទំនងទ្វេភាគី និងកិច្ចសហប្រតិបត្តិការក្នុងតំបន់។
ជំនួបពិភាក្សានេះបានធ្វើឡើងនៅរសៀលថ្ងៃព្រហស្បតិ៍ ទី២៧ ខែសីហា ឆ្នាំ២០២៦ ក្នុងឱកាសដែលឯកឧត្តមប្រធានព្រឹទ្ធសភាឥណ្ឌូនេស៊ី អញ្ជើញមកដល់ទឹកដីនៃព្រះរាជាណាចក្រកម្ពុជា ដើម្បីចូលរួមក្នុងសន្និសីទ ISC-2 ដែលកម្ពុជាកំពុងធ្វើជាម្ចាស់ផ្ទះ។
យោងតាមការបញ្ជាក់របស់ ឯកឧត្តម ជា ធីរិទ្ធ អ្នកនាំពាក្យព្រឹទ្ធសភាកម្ពុជា ក្រោយបញ្ចប់ជំនួប បានឱ្យដឹងថា ឯកឧត្តម Sultan Baktiar Najamudin បានថ្លែងនូវការកោតសរសើរយ៉ាងខ្លាំងចំពោះរាជរដ្ឋាភិបាល និងព្រឹទ្ធសភាកម្ពុជា ក្នុងការរៀបចំសន្និសីទ ISC-2 យ៉ាងមានប្រសិទ្ធភាព និងភាពរៀបរយ។
ឯកឧត្តម ក៏បានបង្ហាញការចាប់អារម្មណ៍ចំពោះវត្តមានមេដឹកនាំជាន់ខ្ពស់មកពីជុំវិញពិភពលោកដែលបានមកចូលរួម។ ទន្ទឹមនឹងនេះ ភាគីឥណ្ឌូនេស៊ីបានកត់សម្គាល់ពីការអភិវឌ្ឍន៍រីកចម្រើនយ៉ាងឆាប់រហ័សរបស់កម្ពុជាលើគ្រប់វិស័យ។
ក្នុងជំនួបនោះ ឯកឧត្តមប្រធានព្រឹទ្ធសភាឥណ្ឌូនេស៊ី ក៏បានជម្រាបជូនសម្តេចតេជោ អំពីការត្រៀមលក្ខណៈរបស់ឥណ្ឌូនេស៊ី ក្នុងការទទួលធ្វើជាម្ចាស់ផ្ទះនៃសន្និសីទប្រធានសភា នៃអន្តរសភា លើកទី៣ (ISC-3) បន្ទាប់ពីបញ្ចប់អាណត្តិដែលកម្ពុជាធ្វើជាម្ចាស់ផ្ទះនាពេលនេះ។
ប្រភព និងរូបភាព៖ ទំព័រហ្វេសប៊ុក Samdech Hun Sen of Cambodia
ចំណុចដ៏សំខាន់ និងជាប្រវត្តិសាស្ត្រមួយនៃជំនួបនេះ គឺការជជែកពិភាក្សាលើការបង្កើត «វេទិកាព្រឹទ្ធសភាអាស៊ាន» (ASEAN Senate Forum) ដែលគំនិតផ្តួចផ្តើមនេះ គឺជាចក្ខុវិស័យរបស់សម្តេចតេជោ ហ៊ុន សែន ផ្ទាល់ ក្នុងគោលបំណងបង្កើនសម្លេង និងតួនាទីរបស់ព្រឹទ្ធសភាក្នុងក្របខណ្ឌអាស៊ាន ឱ្យកាន់តែរឹងមាំ និងមានប្រសិទ្ធភាព។
ភាគីទាំងពីរបានប្តេជ្ញាបន្តរឹតចំណងមិត្តភាព និងកិច្ចសហប្រតិបត្តិការរវាងស្ថាប័ននីតិបញ្ញត្តិនៃប្រទេសទាំងពីរ ឱ្យកាន់តែស៊ីជម្រៅ ដើម្បីផលប្រយោជន៍នៃប្រជាជាតិទាំងពីរ និងតំបន់ទាំងមូល។
ជាការឆ្លើយតប សម្តេចតេជោ ហ៊ុន សែន បានថ្លែងអំណរគុណយ៉ាងជ្រាលជ្រៅចំពោះឯកឧត្តមប្រធានព្រឹទ្ធសភាឥណ្ឌូនេស៊ី ដែលបានចំណាយពេលដ៏មានតម្លៃមកចូលរួមក្នុងសន្និសីទនេះ និងបានវាយតម្លៃខ្ពស់ចំពោះការគាំទ្ររបស់ឥណ្ឌូនេស៊ី។ សម្តេចតេជោ ក៏បានជូនពរឱ្យគណៈប្រតិភូឥណ្ឌូនេស៊ីទទួលបានជោគជ័យក្នុងបេសកកម្មនៅកម្ពុជា និងការត្រៀមខ្លួនធ្វើជាម្ចាស់ផ្ទះនាពេលខាងមុខ។
គួរបញ្ជាក់ថា សន្និសីទប្រធានសភា នៃអន្តរសភា (ISC) គឺជាវេទិកាតំបន់ និងសកលលោកដ៏សំខាន់មួយ ដែលកម្ពុជាកំពុងបង្ហាញពីតួនាទីឈានមុខក្នុងនាមជាម្ចាស់ផ្ទះ ក្នុងការលើកកម្ពស់សន្តិភាព និងកិច្ចសហប្រតិបត្តិការអន្តរសភា៕
រាយការណ៍ដោយ សារព័ត៌មាន The Khmer Daily Network
ជំនួបពិភាក្សានេះបានធ្វើឡើងនៅរសៀលថ្ងៃព្រហស្បតិ៍ ទី២៧ ខែសីហា ឆ្នាំ២០២៦ ក្នុងឱកាសដែលឯកឧត្តមប្រធានព្រឹទ្ធសភាឥណ្ឌូនេស៊ី អញ្ជើញមកដល់ទឹកដីនៃព្រះរាជាណាចក្រកម្ពុជា ដើម្បីចូលរួមក្នុងសន្និសីទ ISC-2 ដែលកម្ពុជាកំពុងធ្វើជាម្ចាស់ផ្ទះ។
យោងតាមការបញ្ជាក់របស់ ឯកឧត្តម ជា ធីរិទ្ធ អ្នកនាំពាក្យព្រឹទ្ធសភាកម្ពុជា ក្រោយបញ្ចប់ជំនួប បានឱ្យដឹងថា ឯកឧត្តម Sultan Baktiar Najamudin បានថ្លែងនូវការកោតសរសើរយ៉ាងខ្លាំងចំពោះរាជរដ្ឋាភិបាល និងព្រឹទ្ធសភាកម្ពុជា ក្នុងការរៀបចំសន្និសីទ ISC-2 យ៉ាងមានប្រសិទ្ធភាព និងភាពរៀបរយ។
ឯកឧត្តម ក៏បានបង្ហាញការចាប់អារម្មណ៍ចំពោះវត្តមានមេដឹកនាំជាន់ខ្ពស់មកពីជុំវិញពិភពលោកដែលបានមកចូលរួម។ ទន្ទឹមនឹងនេះ ភាគីឥណ្ឌូនេស៊ីបានកត់សម្គាល់ពីការអភិវឌ្ឍន៍រីកចម្រើនយ៉ាងឆាប់រហ័សរបស់កម្ពុជាលើគ្រប់វិស័យ។
ក្នុងជំនួបនោះ ឯកឧត្តមប្រធានព្រឹទ្ធសភាឥណ្ឌូនេស៊ី ក៏បានជម្រាបជូនសម្តេចតេជោ អំពីការត្រៀមលក្ខណៈរបស់ឥណ្ឌូនេស៊ី ក្នុងការទទួលធ្វើជាម្ចាស់ផ្ទះនៃសន្និសីទប្រធានសភា នៃអន្តរសភា លើកទី៣ (ISC-3) បន្ទាប់ពីបញ្ចប់អាណត្តិដែលកម្ពុជាធ្វើជាម្ចាស់ផ្ទះនាពេលនេះ។
ប្រភព និងរូបភាព៖ ទំព័រហ្វេសប៊ុក Samdech Hun Sen of Cambodiaចំណុចដ៏សំខាន់ និងជាប្រវត្តិសាស្ត្រមួយនៃជំនួបនេះ គឺការជជែកពិភាក្សាលើការបង្កើត «វេទិកាព្រឹទ្ធសភាអាស៊ាន» (ASEAN Senate Forum) ដែលគំនិតផ្តួចផ្តើមនេះ គឺជាចក្ខុវិស័យរបស់សម្តេចតេជោ ហ៊ុន សែន ផ្ទាល់ ក្នុងគោលបំណងបង្កើនសម្លេង និងតួនាទីរបស់ព្រឹទ្ធសភាក្នុងក្របខណ្ឌអាស៊ាន ឱ្យកាន់តែរឹងមាំ និងមានប្រសិទ្ធភាព។
ភាគីទាំងពីរបានប្តេជ្ញាបន្តរឹតចំណងមិត្តភាព និងកិច្ចសហប្រតិបត្តិការរវាងស្ថាប័ននីតិបញ្ញត្តិនៃប្រទេសទាំងពីរ ឱ្យកាន់តែស៊ីជម្រៅ ដើម្បីផលប្រយោជន៍នៃប្រជាជាតិទាំងពីរ និងតំបន់ទាំងមូល។
ជាការឆ្លើយតប សម្តេចតេជោ ហ៊ុន សែន បានថ្លែងអំណរគុណយ៉ាងជ្រាលជ្រៅចំពោះឯកឧត្តមប្រធានព្រឹទ្ធសភាឥណ្ឌូនេស៊ី ដែលបានចំណាយពេលដ៏មានតម្លៃមកចូលរួមក្នុងសន្និសីទនេះ និងបានវាយតម្លៃខ្ពស់ចំពោះការគាំទ្ររបស់ឥណ្ឌូនេស៊ី។ សម្តេចតេជោ ក៏បានជូនពរឱ្យគណៈប្រតិភូឥណ្ឌូនេស៊ីទទួលបានជោគជ័យក្នុងបេសកកម្មនៅកម្ពុជា និងការត្រៀមខ្លួនធ្វើជាម្ចាស់ផ្ទះនាពេលខាងមុខ។
គួរបញ្ជាក់ថា សន្និសីទប្រធានសភា នៃអន្តរសភា (ISC) គឺជាវេទិកាតំបន់ និងសកលលោកដ៏សំខាន់មួយ ដែលកម្ពុជាកំពុងបង្ហាញពីតួនាទីឈានមុខក្នុងនាមជាម្ចាស់ផ្ទះ ក្នុងការលើកកម្ពស់សន្តិភាព និងកិច្ចសហប្រតិបត្តិការអន្តរសភា៕
រាយការណ៍ដោយ សារព័ត៌មាន The Khmer Daily Network
