National
• 1 hour ago• Lim_Rothanaksambath
ក្រសួងមហាផ្ទៃ ថ្លែងអំណរគុណ លោក Tom Andrews ដែលលើកឡើងពីទុក្ខលំបាកពលរដ្ឋភៀសសឹកតាមព្រំដែនកម្ពុជា-ថៃ
ភ្នំពេញ, ថ្ងៃទី៣ ខែសីហា ឆ្នាំ២០២៦៖ ក្រសួងមហាផ្ទៃនៃព្រះរាជាណាចក្រកម្ពុជា បានចេញសេចក្តីប្រកាសព័ត៌មានជាផ្លូវការមួយ កាលពីព្រឹកថ្ងៃទី២ ខែសីហា ឆ្នាំ២០២៦ ដោយសម្ដែងនូវការដឹងគុណចំពោះលោក ថម អែនគ្រួស (Tom Andrews) អ្នករាយការណ៍ពិសេសអង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា ដែលបានបង្ហាញការយកចិត្តទុកដាក់ចំពោះវិបត្តិមនុស្សធម៌នៅតាមព្រំដែន។
ក្នុងសេចក្តីប្រកាសព័ត៌មានបានបញ្ជាក់ឱ្យដឹងថា ចាប់តាំងពីបទឈប់បាញ់រវាងកម្ពុជា និងថៃ ចូល ជាធរមាន កាលពីថ្ងៃទី២៧ ខែធ្នូ ឆ្នាំ២០២៥មក ភាគីថៃពុំបានអនុវត្តពេញលេញតាមសេចក្តីប្រកាសរួមនៃកិច្ចប្រជុំ ពិសេសលើកទី៣ នៃគណៈកម្មាធិការព្រំដែនទូទៅ (GBC) នោះទេ។ ក្រសួង បានបន្តកត់ត្រាទុក រាល់សកម្មភាពមិនស្មោះត្រង់របស់ភាគីថៃ ទន្ទឹមគ្នានឹងការបន្តយកចិត្តទុកដាក់ដោះស្រាយផលប៉ះពាល់លើប្រជាពលរដ្ឋ និងតំបន់ស៊ីវិល ដោយសារអំពើឈ្លានពាន ជាពិសេសពលរដ្ឋដែលពុំទាន់អាចវិលត្រឡប់ទៅលំនៅឋានវិញបាន។
ជាក់ស្តែង គិតត្រឹមដើមខែសីហានេះ មានពលរដ្ឋភៀសសឹកសរុបជាង ៦៤ម៉ឺននាក់ ក្នុងនោះមាន ២០,២៨១នាក់ (ភាគច្រើនជាស្ត្រី និងកុមារ) នៅតែមិនទាន់អាចត្រឡប់ទៅផ្ទះសម្បែងវិញបាន ដោយសារការបំផ្លិចបំផ្លាញ និងការកាន់កាប់ដីធ្លីពីសំណាក់កងទ័ពថៃ។
យោងតាមរបាយការណ៍បច្ចុប្បន្នភាព ខេត្តចំនួន ៣ គឺឺ ឧត្តរមានជ័យ បន្ទាយមានជ័យ និងព្រះវិហារ ដែលកំពុងរងគ្រោះធ្ងន់ធ្ងរ រួមមាន៖ វិស័យអប់រំ និងសុខាភិបាល៖ សាលារៀនចំនួន ១៥កន្លែង និងមន្ទីរពេទ្យ/មណ្ឌលសុខភាពចំនួន ៧កន្លែង នៅតែបន្តបិទទ្វារ។ ការខូចខាតទ្រព្យសម្បត្តិ៖ ផ្ទះសម្បែងជាង ១,៥០០ខ្នង សាលារៀន ២៦កន្លែង វត្តអារាម ១៩កន្លែង និងប្រាសាទបុរាណចំនួន ៤ ត្រូវបានរាយការណ៍ថាទទួលរងការខូចខាត។ ក្រៅពីនេះ ហេដ្ឋារចនាសម្ព័ន្ធស៊ីវិលដូចជា ផ្លូវ ស្ពាន និងបណ្តាញអគ្គិសនី ក៏រងការបំផ្លិចបំផ្លាញផងដែរ។
ក្នុងនោះផងដែរ លោក ថម អែនគ្រួស បានគូសបញ្ជាក់ក្នុងសេចក្តីថ្លែងការណ៍របស់លោកអំពីការរំលោភសិទ្ធិមនុស្សធ្ងន់ធ្ងរ និងវិបត្តិសេដ្ឋកិច្ច-សង្គមដែលពលរដ្ឋកម្ពុជាកំពុងជួបប្រទះ ជាពិសេសការបាត់បង់ការងារ និងលំនៅឋាន។ ក្រសួងមហាផ្ទៃ បានចាត់ទុកការលើកឡើងរបស់មន្ត្រី UN រូបនេះថា ជាការឆ្លុះបញ្ចាំងពីការពិតនៃទុក្ខលំបាករបស់ពលរដ្ឋ។
ក្រសួងមហាផ្ទៃបានអំពាវនាវឱ្យជនរួមជាតិទាំងក្នុង និងក្រៅប្រទេស រួបរួមគ្នាគាំទ្រការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក្នុងការដោះស្រាយជម្លោះព្រំដែនតាមរយៈយន្តការការទូត និងច្បាប់អន្តរជាតិ ដើម្បីស្ដារអធិបតេយ្យភាព និងនាំយកភាពប្រក្រតីជូនប្រជាពលរដ្ឋវិញ៕
រាយការណ៍ដោយ សារព័ត៌មាន The Khmer Daily Network
ក្នុងសេចក្តីប្រកាសព័ត៌មានបានបញ្ជាក់ឱ្យដឹងថា ចាប់តាំងពីបទឈប់បាញ់រវាងកម្ពុជា និងថៃ ចូល ជាធរមាន កាលពីថ្ងៃទី២៧ ខែធ្នូ ឆ្នាំ២០២៥មក ភាគីថៃពុំបានអនុវត្តពេញលេញតាមសេចក្តីប្រកាសរួមនៃកិច្ចប្រជុំ ពិសេសលើកទី៣ នៃគណៈកម្មាធិការព្រំដែនទូទៅ (GBC) នោះទេ។ ក្រសួង បានបន្តកត់ត្រាទុក រាល់សកម្មភាពមិនស្មោះត្រង់របស់ភាគីថៃ ទន្ទឹមគ្នានឹងការបន្តយកចិត្តទុកដាក់ដោះស្រាយផលប៉ះពាល់លើប្រជាពលរដ្ឋ និងតំបន់ស៊ីវិល ដោយសារអំពើឈ្លានពាន ជាពិសេសពលរដ្ឋដែលពុំទាន់អាចវិលត្រឡប់ទៅលំនៅឋានវិញបាន។
ជាក់ស្តែង គិតត្រឹមដើមខែសីហានេះ មានពលរដ្ឋភៀសសឹកសរុបជាង ៦៤ម៉ឺននាក់ ក្នុងនោះមាន ២០,២៨១នាក់ (ភាគច្រើនជាស្ត្រី និងកុមារ) នៅតែមិនទាន់អាចត្រឡប់ទៅផ្ទះសម្បែងវិញបាន ដោយសារការបំផ្លិចបំផ្លាញ និងការកាន់កាប់ដីធ្លីពីសំណាក់កងទ័ពថៃ។
យោងតាមរបាយការណ៍បច្ចុប្បន្នភាព ខេត្តចំនួន ៣ គឺឺ ឧត្តរមានជ័យ បន្ទាយមានជ័យ និងព្រះវិហារ ដែលកំពុងរងគ្រោះធ្ងន់ធ្ងរ រួមមាន៖ វិស័យអប់រំ និងសុខាភិបាល៖ សាលារៀនចំនួន ១៥កន្លែង និងមន្ទីរពេទ្យ/មណ្ឌលសុខភាពចំនួន ៧កន្លែង នៅតែបន្តបិទទ្វារ។ ការខូចខាតទ្រព្យសម្បត្តិ៖ ផ្ទះសម្បែងជាង ១,៥០០ខ្នង សាលារៀន ២៦កន្លែង វត្តអារាម ១៩កន្លែង និងប្រាសាទបុរាណចំនួន ៤ ត្រូវបានរាយការណ៍ថាទទួលរងការខូចខាត។ ក្រៅពីនេះ ហេដ្ឋារចនាសម្ព័ន្ធស៊ីវិលដូចជា ផ្លូវ ស្ពាន និងបណ្តាញអគ្គិសនី ក៏រងការបំផ្លិចបំផ្លាញផងដែរ។
ក្នុងនោះផងដែរ លោក ថម អែនគ្រួស បានគូសបញ្ជាក់ក្នុងសេចក្តីថ្លែងការណ៍របស់លោកអំពីការរំលោភសិទ្ធិមនុស្សធ្ងន់ធ្ងរ និងវិបត្តិសេដ្ឋកិច្ច-សង្គមដែលពលរដ្ឋកម្ពុជាកំពុងជួបប្រទះ ជាពិសេសការបាត់បង់ការងារ និងលំនៅឋាន។ ក្រសួងមហាផ្ទៃ បានចាត់ទុកការលើកឡើងរបស់មន្ត្រី UN រូបនេះថា ជាការឆ្លុះបញ្ចាំងពីការពិតនៃទុក្ខលំបាករបស់ពលរដ្ឋ។
ក្រសួងមហាផ្ទៃបានអំពាវនាវឱ្យជនរួមជាតិទាំងក្នុង និងក្រៅប្រទេស រួបរួមគ្នាគាំទ្រការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក្នុងការដោះស្រាយជម្លោះព្រំដែនតាមរយៈយន្តការការទូត និងច្បាប់អន្តរជាតិ ដើម្បីស្ដារអធិបតេយ្យភាព និងនាំយកភាពប្រក្រតីជូនប្រជាពលរដ្ឋវិញ៕
រាយការណ៍ដោយ សារព័ត៌មាន The Khmer Daily Network
